tgoop.com/merartsakh/443
Last Update:
Հայաստանի Մարդու Իրավունքների Պաշտպանի հայտարարությունները հակասությունների և քննադատության կենտրոնում են
Մարդու իրավունքների պաշտպանը (ՄԻՊ) հայտարարելով, թե «Հայաստանի լավագույն իրավաբանն է», հայտնվել է հասարակական կոշտ քննադատության թիրախում։ Այս պնդումը արվել է այն պայմաններում, երբ մի շարք բարձրաստիճան պաշտոնյաների գործառույթներն ու գործողությունները մնում են աննկատ ու անհասկանալի՝ հատկապես Արցախյան վերջին իրադարձությունների համատեքստում։
ՄԻՊ-ի հայտարարությունը գալիս է այն ժամանակ, երբ Հայաստանում բնակվող հազարավոր արցախցիներն իրենց իրավունքների խախտումների մասին բազմաթիվ հարցեր են բարձրացնում։ Մասնավորապես, հնչում են երեք առանցքային հարցեր՝ ուղղված ՄԻՊ-ի գործունեությանը․
1. Արցախցիների քաղաքացիությունից զրկումը։ ՄԻՊ-ին ուղղված առաջին հարցը վերաբերվում է այն փաստին, որ արցախցիներն ապօրինաբար զրկվել են Հայաստանի քաղաքացիությունից։ Պաշտպանին հարց է ուղղվել, թե ի՞նչ միջոցներ է ձեռնարկել այդ ակնհայտ խախտումը կանխելու կամ արձանագրելու համար։
2. 150 հազար ՀՀ քաղաքացիների իրավունքների պաշտպանությունը։ Քննադատները պահանջում են հստակ բացատրություններ այն մասին, թե ինչպիսի կոնկրետ քայլեր են ձեռնարկվել այդ քաղաքացիների իրավունքների խախտումները կանխարգելելու ուղղությամբ, հատկապես երբ նրանք հայտնվել են բռնի տեղահանության պայմաններում։
3. ՄԻՊ-ի գործողությունները՝ բռնի տեղահանման օրերին։ Մարդու իրավունքների պաշտպանին մեղադրում են կեղծ տեղեկատվության տարածման մեջ՝ կապված արցախցիների աջակցության հետ: Հասարակությունը ցանկանում է հստակ պատասխաններ, թե ինչո՞ւ է պաշտպանը հայտարարում, թե «օգնել է» արցախցիներին, եթե փաստացի որևէ համակարգային քայլեր չեն ձեռնարկվել։
Այս հայտարարությամբ, նույն տրամաբանությամբ մոտենանք, ապա Փաշինյանը կարող է համարվել «աշխարհի լավագույն ղեկավար»
ReArtsakh
BY ReArtsakh
Share with your friend now:
tgoop.com/merartsakh/443