tgoop.com/mittihaqiqatlar/11050
Last Update:
Жаннат орзусидан бошқа ҳеч нарсаси қолмаган халқлар аянчли.
Инсонни нимадир ушлаб туриши, ё инсон ниманидир ушлаб туриши керак. Йўқса дош беролмайди ҳаётга. Агар аянчли халқлар хаёлидаги жаннатга ўт қўйиб юборсанг, улар тамом бўлишади. Балки сўнгги умиди чиппакка чиққач бирдан долғага келар?! Ўша ягона орзусига илашиб, қолгани ўткинчи дея ватани, одамлар, табиат ҳолига туфлаб қўйганларга жаннат борми?
Нима бўлганда ҳам қашшоқлар орзусига тегишмаябди. Мана, хаёлларингиз эркин, истаган нарсангизни орзу қилаверинг, биз шундай бағрикенг, ҳаммани ўйлайдиган, демократмиз дейишябди сўзсиз.
Атрофидаги шалтоқни тозалашга зиғирча ҳам ҳаракат қилмай, жаннатда ҳаммаси роҳат бўлади деб кун курувчилар, қачооондир бир млрдер келиб мани обкетадию ғурбат ҳаётимни ўзгартириб юборади, деб ишонадиган қизга ўхшайди.
Ғалати. Кутиш, фақат кутиш, сабр қилиш, индамасликка ўргатишлари ғалати.
Тайёр нарса керак ҳаммага.
Уй. Мошина. Ҳаёт. Жаннат.
Лекин бунга ўзлари лойиқ ҳам, тайёр ҳам эмас.
Жонтемир
BY Nodirabegim
Share with your friend now:
tgoop.com/mittihaqiqatlar/11050