tgoop.com/mmakrb/466
Last Update:
صـلاوات . صــلاوات .. نـاديـنه
اجه اليوم . اجه اليوم .. مهدينه
..
يا هلا وكل الـهـلا بهـيـبة هله
اليوم معلوگه الشموع بكربله
اليوم فرحانه الحمد والبسمله
اليوم صفكه 🤍 للنعشكه 🤍 والفرح غطانه
وتره اليفرح 🤍 راح يربح 🤍 هل مسيه ويانه
بالحسين . بالحـسين .. هـنينه
اجه اليوم . اجه اليوم .. مهدينه
…
بـجــيـتـك يا خـاتـم الاثـناعشر
الشعيه كلها اليوم تشعر بالفخر
فايز الفرحان والـسـاكـت خسر
بصوت صحنه 🤍اليـوم كـلنه 🤍 يا هلا بل غالي
والــعــلامـه 🤍 الابـتـسـامـه 🤍 عل وجوه تلالي
هــلا بــي . هــلا بــي .. متانينه
اجه اليوم . اجه اليوم .. مهدينه
…
اجه اليشبه حيدره كول وفعل
وابن ذاك الاسد يا ناس الشبل
وراح يحكم مثل حيدر بالعدل
هـلا بجيته 🤍 الينقذ امُته 🤍 الوصه بيها الخاتم
بكيفه كلشي 🤍 وراح يمشي 🤍 بامره كل العالم
والاســلام . الاســلام .. كر عينه
اجه اليوم . اجه اليوم .. مهدينه
…
يوسف واحدى عشر كوكب سجد
لابو صالح هل مسيه امـن انـولـد
وعيسى راح يـصـيـرلـه بـاجر سند
شيخ هاشم🤍 وامه فاطم 🤍 فرحت بميلاده
جنــه كافل 🤍 هيبة شايل 🤍 جنه عم الساده
ضوه الكون . ضوه الكون .. غالينه
اجـه اليـوم . اجـه اليوم .. مهدينه
…
كربله وسامره وي ارض الغري
فرحت بمـيـلاد ابـن العسكري
معدل وصنديد فارس حـيدري
بيوم جيته 🤍 گليب عمته 🤍 طـايـر بـافراحه
يا حلاته 🤍 ومن غلاته 🤍 شايخ اعله الساحه
العرش بي . العرش بي .. يهنينه
اجـه اليوم . اجه اليوم .. مهدينه
محمود محمد العطواني
🤍🤍🤍🤍🤍🤍🤍
BY محمود محمد العطواني
Share with your friend now:
tgoop.com/mmakrb/466