tgoop.com/mohaneedatea/1046
Last Update:
هوسات /مولد قمر العشيرة ابو الفضل العباس عليه السلام
تعرف قيمة العباس من يعطش
يصح مثل البذور وع الخيم ينطش
تخضر غيرته وحتى الذبل ينعش
الخوة انغشت وعباس ماينغش
ها ها ها......
(الخوة اتخلص وترد من عباس اجيب أمراد)
_
من اهدومه الحرب عباس رحت ابدي
موريشه اعله راسه موكف المهدي
الحمزه بظهره حطه و فنه ليعدي
موجربه اعله امتنه الكوثر اتبدي
وسمعته بهمس كل الزينب اخته اهدي
اذا جمعوا عطارد وي زحل والجيش
هذن كلهن شرط ماصارن بكدي
الله مفصل السبعة للعباس اكماط وسيف
___
خنصر منكطع لاكطعو العباس
لان كله الحسين من الجدم للراس
النبي يبوس الكمر يعني الحسين نباس
همه من الطفوله اثنينهم ترفين
واحد للورد والثاني شمه الياس
الورد مخلص عطره لو ما حسين وي العباس
__
ولد ام البنين اكلوبهم ترفه
فصيلتهم علي ومتيه العرفه
وبيهم حار راسه يذوب الكلفه
اصور بالشته وبجلت اجويريد
حسين اعله ابوفاضل كام يدفه
الجله بصدره تحومر حار وكدهه اعله الكلفات
__
مريم من تهز النخله عل رطبات
و زينب هزت العباس عل الكلفات
وفوك الشده كام اطيح مكضيات
ومثل طيحت مطر من السمه اعله الكاع
كبل رمشت جفنهه يخلص الحاجات
ألله يكله بكيفك اني معينك ع الحاجات
__
معلمته الوفه من يموت علمته
راسه اعله رمح بس ملتفت لخته
كل لمه اطمئني ومني لتخافين
الطف بي نقص بجفوفي كملته
وسمعت حجيه زينب صاحت شمحلاك
شكرا ياابوفاضل ع الحجي الكلته
كدهه بكربله وحتى بمماتك خير
جان الشام ماصخ وانته ملحته
تملح الزاد الزينب عينك بالطف من اطيح
خادم رقية عليها السلام
الشاعر مهند الدريساوي
BY الشاعر مهند الدريساوي الرسمية
Share with your friend now:
tgoop.com/mohaneedatea/1046