tgoop.com/muzaffar_vakkosov1/1005
Last Update:
Urf-odatni irimsirimdan farqi shundaki..
Irimsirimlar bu ta'siriga ba'zi insonlar ishonadigan sunʼiy e'tiqod.
Urf-odatlarlar esa, ta'siriga minglab insonlar ishonadigan sun'iy e'tiqoddir!
Demak bugun qilish kerak, hamma qilyapti, ota-bobolarimizdan qolgan deya, jon berib o'zimizni urintirayotgan ko'plab urf-odatlar aslida qachonlardir bir ikki inson o'ylab topgan Irmsirmlar xalos!
Yaqinda bir tanishim to'yida, men uchun g'alati tuyulgan bir yangi udumni qilganini ko'rdim va keyin so'radim: xo'sh buni qilish nega kerak edi? U aytadiki, buni qilish shart ekan, ota-bobolarimizdan qolgan ekan, shuni qilgan yosh oilalar baxtli bo'lar ekan, dedi. Vaholanki, atigi 5 yil avval ham bunday udum yo'q edi.
Ko'pchilik odamlar shunday, jamiyat ongida yashashadi va atrofida kimdir qanaqadir qiliqni boshlasa, u ham shuni takrorlasa to'g'ri yashayotgandek his etadi o'zini.
Turli to'y-marosimlarimizni kuzatsak, yuzlab befoyda udumlarimiz borligini koʻrmiz.
Kelinglar shu udumlarga yana bir udumni qo'shamiz. Bu "Har bir oila quradigan o'g'il qiz, oila qurishdan avval Shayx hazratlarini "Baxtiyor oila" kitobini o'qib tugatgan bo'lishi kerak" degan udum bo'lsin. Zora buni ta'siri sabab kelajakda barkamol avlodlar soni ortsa, hamda kitobdagi ilmlar bilan odamlarni dunyo qarash biroz oshib, bo'lmag'ur odatlarga ko'rko'rona ergashadiganlar kamaysa!
#tafakkur_qiling
@muzaffar_vakkosov1
BY MUZAFFAR VAKKOSOV
Share with your friend now:
tgoop.com/muzaffar_vakkosov1/1005