tgoop.com/muzaffar_vakkosov1/1120
Last Update:
"Iqtidor karmasi"
Qiziq, iqtidor bu karmami? 🤔
Albatta! bu shunchaki boshqa tozalashimiz kerak bo'lgan karmalar kabi nozik qatlamlarimizdagi informatsion kirlanishdir!
Xo'sh bu qanday sodir bo'ladi? Ya'ni bizdagi turli iqtidorlarni vujudga kelishini qonuniyatlari qanday?
Diqqat! Bu post reinkarnatsion qonuniyatlarga asoslanadi. 🙋♂
Chunki hayotda shunday jarayon va hodisalar borki, reinkarnatsyaga ishonmay turib buni javobini topolmaysiz.
Agar biz bir bor mujassamlashsak, hammani birdek ko'radigan Alloh, nega turli daraja va sharoitlarda bizlarni yaratgan. Axr turli darajalarga bo'lib tashlashlik bu asl birlik qonunini buzilishiku? Shu bois reinkarnatsya bizga shu kabi savollarni barchasiga oydinlik kiritib beradi.
Bu postga ishonish va ishonmaslik sizning xohishingiz!
Men tengqur bir tanishimni yaqin insoni yoshligida og'ir kasallikdan vafot etgandi. Shunda u o'z oldiga maqsad qo'ygan edi: "katta bo'lsam, doktor bo'laman va shu kasallikka davo topaman" deb.
Lekin oilaviy sharoit sabab universitetda o'qish nasib etmadi va tabiiyki hozir boshqalar kabi oddiy muhojir bo'lib hayotini o'tkazmoqda.
Xo'sh, nega bu voqeani aytdim. Sababi biz chuqur his tuygʻu darajasida oldimizga qo'ygan maqsadlarimiz. Bizning nozik energiya qatlamlarimizda to'planadi. Karmik qonuniyatlarga ko'ra har qanday nozik tanalarimizdagi informatsiyalardan tozalanishimiz shart. Shu bois o'sha informatsiyalarimizga ko'ra yuqori kuchlar taqdirimizni yaratib beradi. Ya'ni nozik qatlam darajamizga ko'ra taqdirimiz voqeliklari sodir bo'ladi.
Agar biz bu hayotimizda bu maqsadlarimizni amalga oshirolmasak, keyingi hayotimizda aynan o'sha informatsiyalarni tozalashimiz uchun bizga nozik tanamizni holatiga ko'ra tana va iqtidor beriladi.
Demak, iqtidor bu biz tozlashimiz kerak bo'lgan karmik informatsiya. Uni tozalash esa, shu sohada ezgulik faoliyatini olib borish va hayot qonunlarini chuqur anglab poklik kuchlariga taslim bo'lish bilan bo'ladi.
Shu bois hurmatli ota onalar tushunishi kerak bo'lgan eng muhim narsa shuki, farzandingizga o'z iqtidori bo'yicha ketishiga imkon bering. Qachonki uni hayotiga oʻz Egoingizga ko'ra ta'sir etishga urinsangiz va o'z qobiliyatlarini ishlatishiga imkon bermasangiz. Siz uni poklanishiga halaqit berayotgan bo'lasiz.
Shuning uchun haqiqiy dono ota ona anglashi kerakki, farzand bu sizning mulkingiz emas, u ham Alloh oldida aynan siz bilan bir xil darajangizdagi Uning bandasidir. U ham siz kabi bu yer deb atalmish sayyoraga poklanish uchun kelgan. Agar uni poklanishiga halaqit berib istaklarini barbod qilsangiz bu ishingizga yarasha gunohga botasiz. Qachonki, bu haqiqatlarni chuqur anglagan holda uni har taraflama poklanishiga ko'maklashib yashasangiz farzandingizni jannatiy bo'lishiga qo'shgan hissangiz uchun sizga ham ulkan savoblar yoziladi. InshaAlloh!
Yana bir muhim tushuncha. Ba'zi oilalarda ota onalarni qaysidir farzandi juda ozg'in yoki juda semiz ekanligi tashvishga soladi. Anglab yetingki, har bir ruh o'z karmasiga ko'ra bu hayotida bajarishi kerak bo'lgan ishlariga mos tanani voyaga yetgunga qadar o'ziga moslab oladi. Demak uning tanasini bunday rivoji uning o'z hayot yo'liga moslashishidir. Albatta bu degani ularga be e'tibor bo'ling degani emas. Bu har bir farzandingiz taqdiri avvaldan ma'lum degani. Bilingki, sizning irodangiz emas, ilohiy iroda har doim birlamchidir!
Buni anglagan holda duolar orqali farzandingizga Allohdan eng hayrlisini so'rang. Va o'zingiz istagingizdek xarakter yoki tanaga ega emasligi uchun his tuygʻu darajasida kurashmang.
Unutmang Alloh siz ko'rmaganlarni ko'radi va siz bilmaganlarni biladi!
#tafakkur_qiling
@muzaffar_vakkosov1
BY MUZAFFAR VAKKOSOV
Share with your friend now:
tgoop.com/muzaffar_vakkosov1/1120