tgoop.com/muzaffar_vakkosov1/1401
Last Update:
"Karmadan tozalanish sizni dunyodan begonalashtiradi!"
Bugungi kungi psixologiya olamining eng mashhur mavzusi bu "karma"dir! U nimaligi va undan poklanish haqida ko'plab ilmlar va praktikalar mavjud. Xo'sh karmadan poklanish orqali biz nimalarga erishamizu va nimalardan mahrum bo'lamiz?
Keling bu postda buni chuqurroq anglashga urinamiz.
Karma bu biz hayotiy vaziyatlar va odamlarning bizga nisbatan xattiharakatlari va gaplarini histuygʻularimiz orqali o'zimizga oladigan xotiralarimizdir!
Ular bizning energetik maydonimizga karmik informatsiya sifatida kiradi va ruhiy qonunlar boʻyicha bizga ulardan poklanishga majbur etadigan kelajak hayotimizda voqeliklar sodir etiladi.
Hozirda yaqin insonlarga bogʻliq karmik negativlardan poklanishga intilayotganlar juda ko'pchilikni tashkil etadi. Albatta biz bu olamga poklanish va dunyo va undagi mavjudotlik hilqatlariga bogʻliqliklardan uzulish ongiga erishish uchun kelganmiz. Ammo bunday karmik bogʻliqliklardan poklanishga urinish orqali o'sha insonlar bilan bog'liq rishtalar ham yo'qoladi. Chunki bizni boshqalar bilan turli darajadagi yaxshi va yomon histuygʻu xotiralarimiz bog'lab turadi. Biz ularga nisbatan negativ tuygʻulardan poklanganimiz sari histuygʻu darajasida begonalashib boramiz!
Gap shundaki, umuman karmik poklanish bu aslida uzilishdir! Shunday ekan kimgadir nisbatan negativlardan poklanishga urinishingizdan avval tushunib olishingiz kerakki, buning yakuni begonalashishga olib boradi. Chunki bizni aslida o'sha odam bilan bog'liq xotiralarimiz mavjudligi uchun u odam doimo bizning hayotimiz va fikrlarimizda bo'lib kelgan. Poklanish bu uzulish ekan. Siz bu olamdagi kimgadir va nimagadir nisbatan bog'liqliklardan uzilganingiz sari bu yer yuzi uchun begonalashib borasiz!
Albatta, avvaliga yerga va odamlarga nisbatan qattiq bogʻliqliklari bor odamlar uchun bu qo'rqinchli tuyulishi va ohiri qandaydir zerikarli va quvonchsiz hayotda yashashdek tuyulishi mumkin. Lekin poklanish orqali yuqori ongga erishganingizda siz endi cheklangan matohlar va kimsalar chegarasida emas, butun borliq darajasida kengayasiz. Fikrlaringizu sevgingiz butun olam darajasiga chiqadi. Bu ong bilan taslimiyatni birlashtirganingizda siz endi ezgu kuchlarning yerdagi buyuk xizmatchisiga aylanasiz va sizga ulkan missiyalar yo'li ochib beriladi.
Bu ongda siz yaqinlaringizdan kechmaysiz aslida, faqat ularni boshqalar bilan teng ko'ra boshlaysiz. Chunki siz borliqni bir darajada ko'rish va hammani bir xil sevish ongiga chiqasiz. Yeriy matohlar va kimsalar sizning hayotingizda bor yo'qligi siz uchun muhim bo'lmaydi endi. Chunki endi siz yaxshi kayfiyatda bo'lishingiz uchun kimdir yoki nimadir sizga energiya berishi kerak bo'lmaydi. Siz shundoq ham doimiy yuqori ezgulik energiyasida yashaysiz!
Bu darajaga chiqqaningizda atrofingizdagilar uchun huddi siz begonalashgandek tuyulasiz ammo aslida esa, avval sizni negativ va ijobiy xotiralar zanjiri qattiq bog'lab turgan bo'lsa, endi faqat ilohiy ezgu sevgi bilan qaraysiz ularga. Ularda buni anglash darajasi hali mavjud boʻlmagani sabab, sizning munosabatingiz darajasini ko'ra olishmaydi.
Bu postdan maqsad. Siz hali poklanish orqali erishiladigan ijobiy energiyaga va ongga kelmasingizdan shayton sizga: "qara hammadan begonalashmoqdasan, orzularingdan kechmoqdasan, natijada yolg'iz va hech vaqosiz qolasan" degan natijaga ishonchsizlik hadiklarini yuklashga urinadi. Chunki uning maqsadi sizni yerga va odamlarga bogʻliq negativlardan poklanib, ezgulik va jannatiy darajaga chiqishingizdan sizni to'xtatishdir. Bu yo'lda u sizni nafsingiz va egoingiz orqali boshqarishga va o'z kishanida ushlab qolishga urinishidan ogoh etishdir.
Bog'liqliklardan uzilishga cho'chimang! Biz bu hayotga cheklangan narsa va kimsalarga emas, butun borliqqa sevgi ulashish darajasiga erishish uchun kelganmiz!
#tafakkur_qiling
@muzaffar_vakkosov1
BY MUZAFFAR VAKKOSOV
Share with your friend now:
tgoop.com/muzaffar_vakkosov1/1401