tgoop.com/muzaffar_vakkosov1/1446
Last Update:
Qalblar Alloh iznidadir!
Turli ijtimoiy tarmoqlarda "Ayolni eri oldidagi yoki Erni ayoli oldidagi vazifalari"ni tushuntirishga urinadigan video va postlar joylanganida, e'tibor bergan bo'lsangiz har doim erkak majburiyatlari haqida gapirilgan bo'lsa, kommentariyasida ba'zi erkaklar "Ayol o'zi unday bo'lishi kerak, shunga arzishi kerak" deb yozadi. Agar gap Ayolni eri oldidagi vazifalari haqida ketsa, ba'zi ayollar "Erkak o'zi shunday muomalamga arzishi kerak" deb o'z fikrlarini qoldirishadi.
Bu ham aslida tanalar bilan hisoblashish ongini bir ko'rinishidir! Odatda, bunday qarshi fikrlarni aynan yomon er, yoki yomon ayolga duch kelganlar yozishadi. Ularning ichida qarama-qarshi jins vakiliga nisbatan negativ xotiralar mavjud. Shu sabab ularga qachonki qarama-qarshi jins vakillariga shartsiz berish haqida gapirilganda, ularni ichki negativ xotiralari uyg'onadi va avval uni o'zi menga yaxshi bo'lishi kerak, shundagina meni yaxshi javobimga arzishi mumkin deya hayqirishadi.
Bunday fikrdagilar bilan suhbatlashganimda, shartsiz berish ongiga kelishingiz kerak shunda barchasi yaxshi taraf o'zgaradi hamda ichki negativlik ham yuvilib ketadi deganimda, odatda qabul qilishlari qiyin kechadi. Chunki ular uchun hayotdagi oldi berdi faqat tanalar chegarasida bo'ladi. Ular yuqori qonunlarni qanday ishlashini anglashlari qiyin. Shu bois ular o'ylaydiki "Agar men unga yaxshilik qilsam, u baribir menga yaxshi javob qaytarmaydi chunki uni xarakteri yomon, u odam emas" kabi xulosalar chiqarishadi.
Azizlar Qalblarni Alloh boshqaradi. Dunyodagi eng yomon odamga ham shartsiz mehribon bo'lib ko'ringda, bu albatta uning qalbini bir chetini gullashiga sabab bo'ladi.
Avvalgi postlarda barakali valyuta haqida gaplashdik. Men buni ongimiz yengil qabul qilishi uchun shunday ko'rinishda soddaroq qilib tushuntirgan edim. Aslida esa, bunday shartsiz xizmatlar ongiga kelishimiz va bu darajadagi qalbning holati juda katta hayot qonunlarini ijobiy tarafga yo'naltirib yuboradi. Buni faqat aynan shu darajaga kelib, bu energiyada yashab ko'rganlar anglay oladi.
Siz qachonki, oilada juftingizga o'z jinsingizdan kelib chiqib, shartsiz xizmatlar qilishni va mehr bilan qo'llashni boshlagan vaqtingizda, sizning bunday energiyangizni oqibati hatto uni qalbi "Tosh" bo'lsa ham bir kun gullashiga sabab bo'ladi.
Faqat bir narsa juda muhimki, shartsizlik holati aslida ijobiy natijani kutib qilinmaydi. Chunki ijobiy oʻzgarishlar kutib qilinish ham shartlilikdir. Siz natijani Allohga to'liq topshirib, chin koʻngildan atrofingizdagilarga ezgulik ulashasiz. Aynan shundagina qalbingiz yuqori ilohiy energiyalar oqimiga ta'sir etadi. Va holatingiz darajasiga qarab siz nimaga arzisangiz shunga ko'ra jarayonlar o'zi sodir boʻladi. Agar sizning xizmatlaringizga arzigulik javob qaytishi kerak bo'lsa, Alloh dunyodagi eng yomon odamni ham qalbini sizga nisbatan mehirli bo'lishi uchun o'zgartirib qo'ya oladi.
Unutmang! Hech bir banda bu siz bilan o'zi hisoblashay oladigan qudratga ega emas. Har bir bandani ongini yuqoridan boshqarishadi. Shunday ekan, natijalar ilohiy tizimlar asosida sodir bo'lishini va bizning energiyamiz manbai ham biz o'zimiz emasligimizni anglagan holda yer kurrasida ezguliklarni qizgʻinmay shartsiz qilishni hoziroq boshlang!
Axr asl baxt shu tarafda!
#tafakkur_qiling
@muzaffar_vakkosov1
BY MUZAFFAR VAKKOSOV
Share with your friend now:
tgoop.com/muzaffar_vakkosov1/1446