tgoop.com/muzaffar_vakkosov1/1636
Last Update:
Bu dunyodan ketishdan avval unga nimadir berib keting!
Nima qilishingizdan qat'iy nazar uni shunday bajaringki, huddi Alloh sizni shu uchungina yaratgandek. Siz shuni bajarib bo'lib bu dunyodan ketsangiz ham o'z hayotingizdan qoniqadigandek, chunki siz o'z vazifangizni bajargan bo'lasiz.
Atrofga nazar solar ekanman, odamlarni kattagina qismi "Hoja korsin"ga ish qilayotgandek: Ishlari sifatsiz, ikkilamchi oqibati barakasiz...
Oqibatda jamiyatimizdagi hech bir sohada baraka qolmaydi, hamma bir birini aldashni va bir biriga ishonmaslikni boshlaydi...
Xo'sh nega bunday harakat qiladiganlar ko'p va nega sifat muhligini yo'qotgan?
Sababi odamlar hayotda nafslarini ustivor qo'yadi.
Agar qachonki har birimiz bu hayotda nafsimiz uchun emas, Allohni eng Buyuk inoyati bo'lgan umrimizni bu dunyo va odamlar manfaatlari uchun chin dildan sarflab yashashimiz kerakligini chuqur anglab yetsak, har bir faoliyatimizda, nafaqat ishda balki oiladagi vazifalarimizda ham chin dildan eng yaxshi natija uchun borimizni berib harakat qilolamiz.
Tasavvur qiling 5 daqiqadan so'ng o'lasiz! Endi siz bu dunyoda yo'q bolasiz, endi bu dunyoga hech qanday ta'sir etolmaysiz. Xo'sh shuncha vaqt bu dunyoda bo'lishga imkoningiz bo'ldi, bu dunyo uchun nimalar bera oldingiz?
Siz hozir baribir tark etiladigan dunyoda ekansiz, ketishdan avval bu dunyoni obod qilish uchun nimadir qilib keting. O'sha nimadir bu hozir va shu onda qilayotgan ishingizdir!
Alloh sizga hozir nimadir qilishni nasib etgan ekan, demak aynan shu ishingiz bilan dunyoni obod qilishga hissa qoʻshishingizni iroda etgan. Uni shunday bajaringki go'yo Alloh sizni shu ish uchungina yaratgandek!!!
Aynan shunday qarashdagi, nafsi uchun emas, xalqi uchun va butun insoniyat uchun hayotining har bir lahzasida chin dildan nimadir manfaat berish uchun yashaydiganlar ko'paygani sari ruhiy va fizik qonunlar asosida albatta jamiyatimizda barka ham oshib boradi. InshaAlloh!
Olish uchun emas, berish uchun yashang!
#tafakkur_qiling
@muzaffar_vakkosov1
BY MUZAFFAR VAKKOSOV
Share with your friend now:
tgoop.com/muzaffar_vakkosov1/1636