tgoop.com/muzaffar_vakkosov1/1638
Last Update:
Siz biror kimni yoki jarayonni "Yoqtirmaslik"ka haqqingiz bor, lekin "Yomon koʻrish"ga haqqingiz yo'q!
Bu ikki tuygʻu bir qarashda birdek ko'rinadi, lekin ikkisini oqibati kelajak hayotingiz va sogʻligʻingizga katta farq bilan ta'sir etadi. Shuning uchun ikkisi o'rtasidagi chegarani anglab olishingiz kerak.
Siz kimnidir yoki nimanidir "Yomon koʻrgan"ingizda unga nisbatan negativ tuygʻularni ichingizda ko'paytirasiz.
Negativlar kimni ichida bo'lsa u o'sha odamni chiritadi.
Demak siz tashqi jarayonlar sizni chiritishiga sharoit yaratmasligingiz kerak.
"Yoqtirmaslik" esa, bu o'sha odamni yoki jarayonni shunchaki o'z holiga qo'yish va unga e'tibor va asablaringizni sarflab o'tirishga hojat yoʻq ekanini anglanglashdir. Shunda ichingizda ularni negativi uchun alohida joy hozirlamaysiz va sizni hayotingiz ularsiz o'tishiga o'zingizga imkon berasiz.
Sizning ongingizdan kelib chiqib siz yoqtiradigan va yoqtirmaydigan narsalar bo'lishi bu tabiiy, lekin siz har qanday ongda bo'lsangiz ham hech kimni va hech nimani "Yomon ko'rib" yashamasligingiz kerak. Chunki buni tub mohiyatida ularni Yaratguvchisga nibatan ham ichki yomon ko'rish tuygʻusi turadi. Ya'ni sizdagi kimlarnidir "yomon ko'rish" tuygʻusi bu aslida ularni Yaratganga qarshi kurashish uchun yigʻgan qurolingizdir. Bu tuygʻular qanchalik ko'paysa siz Yaratganga qarshi shunchalik katta jang olib borayotgan bo'lasiz. Oqibatda esa, kelajakda sizni jiddiy baxtsizliklar va kasalliklar kutib turadi.
Shunchaki dunyoni Egasiga topshiring va o'z bandalik darajangiz chegarasida o'z missiyangizni mazza qilib bajarish uchungina hayotiy energiyalaringizni sarflang. Shunda ichingizda ham tashqi dunyoingizda ham salbiy jarayonlar deyarli sodir boʻlmaydi.
#tafakkur_qiling
@muzaffar_vakkosov1
BY MUZAFFAR VAKKOSOV
Share with your friend now:
tgoop.com/muzaffar_vakkosov1/1638