tgoop.com/muzaffar_vakkosov1/1659
Last Update:
Bir kuni bir Avliyo insondan so'rashibdi:
Siz hayot haqida va uni Yaratuvchisi haqida ko'plab dunyoviy va botiniy ilmlarni bilasiz. Minglab insonlar sizni Ustoz sifatida bilishadi, chunki ko'plab odamlar sizning maslahatlaringizga amal qilib hayotlarini yaxshilashgan.
Ammo nega shuncha ilmlardan boxabar, yaxshi va yomonni ajrata oladigan inson bo'lsangiz ham hatto yoningizda kimdir gunoh ish qilayotgan bo'lsa ham unga bu xato ekanini aytib, tanbeh berib qoymaysiz?
Avliyo: Men sizning nazaringizda ko'plab ilmlarni o'rgangan inson bo'lishim mumkin, ammo bu ilmlar haqiqatdan ham asl to'g'ri ilmlarmi yoki yo'q, buni faqat o'limimdan keyingi so'roq vaqtida aniq bila olaman. Shunday ekan men hali bu ilmlarim oqibatiga hatto o'zim javob berib ko'rmay turib qanday boshqalarni "sen xato yashayapsan" deya olaman? Balki meni hayot tarzim ularnikidan ko'proq xato yo'ldir?!
Shu sabab ham mendan maslahat so'rashmaguncha men ularni ishiga aralashmayman. Qachonki mendan maslahat so'rashganida ham oqibati ushbu ko'rinib turgan dunyomizda yaxshilik keltiradigan ilmlarnigina berishga harakat qilaman!
* E'tibor bersangiz, bizning mentalitetda aynan shunday hatto o'zini baxtli qilolmagan va butun hayoti gunohlarga to'lib yotgan odamlar Amma-Xola yoki Tog'a-Amaki rolida katta hayotga endi qadam qoʻyib kelayotgan yoshlarni boshqarishga va o'zlari aytgandek yashashga majburlashadi. Nahotki bu dunyo qarashlari bilan yashab baxtli bo'lishni iloji yo'q ekanini haligacha anglab yetishmagan bo'lishsa?!
Hali o'z ilmlaringizga o'zingiz javob bermay turib boshqalarni ham shunday yashashga majburlamang! Chunki u dunyoda o'z hayotimizga javob berishdan ko'ra boshqalar hayotini noto'g'ri yo'lga burib yuborganimiz uchun javob berish anchayin ogʻirroqdir!
#tafakkur_qiling
@muzaffar_vakkosov1
BY MUZAFFAR VAKKOSOV
Share with your friend now:
tgoop.com/muzaffar_vakkosov1/1659