tgoop.com/navhat/1584
Last Update:
وان مارضي موقفي باينقلب ضده
مانا مع المعمري لا هو غدر فيها
ذا الامرفوض هذا الامر يابعده
بعد السماء والنجوم المزهرانيها
من يفصل الظفر عن عظمه وعن جلده
من يضرب الباش والجوكر برانيها
ياللي تعشيت سعف الضيف قم غده
مالبنت بنت أهلها وانتوا شوانيها
لازم تخذ حميري او من بني كنده
الاصل والفصل والمنشا يمانيها
لي بايوفر لها المصروف من جهده
وبا يبلغ القوم غايتها وامانيها
مابا يسمونها ميثاء وهي سعده
وزوج سعده فلان ابن الفلانيها
والنوب مابا يأمن حد على رمده
يا تاج راسي و ظلي والكنانيها
ماذا جنيتوا برفع اشعار وانشوده
غير المآسي باولها وتاليها
بعتوا علفكم بسوق الشيخ بن سوده
والبنت عشاقها شلوا شواليها
والتاجر المصلحي بايروح هولنده
لا فكوا الحبل به قوم الخبانيها
ذي ما يقارن مخاسيره بما يرده
بايستغلوه مجرمها وجانيها
خذ من كلامي ومن تحليلي الزبده
ولا تناقش معي ذا الامر ثانيها
الامر محسوم غصن الورد من عوده
والسبع يوم التلاقي بالثمانيها
هذا جوابي ولا تكثر من النشده
انتم عللها ومن جمع بلاويها
كلن يبا الهند له والهند مش هنده
الهند هند السلامه والعوافيها
اصلحكم الله من فضله ومن جوده
افقرتوا الناس فوق الفقر ذي فيها
من اجل ماذا فتحتوا للفتن رده
من باب مردود ع الفتنه وحاويها
بضرب مثل لك وخله زاد بالكعده
لاتوكل الزاد خله منها فيها
ولد سحب بوه قال الاب زد رقده
لتحيث أوصلت ابوي ابن الحلاليها
وانتم بهذا المثل كلن ورا قرده
بايسحبه سحب من شحمة لذانيها
العنصريه بكم والحقد والرده
حد قال لك ياجنوبي بالشماليها
او ما تشوف ان يافع مثل بولنده
بفضل صنعاء اليمن لي تطعنوا فيها
ماينكر الجمل غير الحاقد الشوده
والا منافق ومتعصب وانانيها
وذا المرض من ورا جرثومة المعده
لو عالجوها بسرعه ما انتشر فيها
جابوا اطبا تخصصهم في الغده
والغده ام الغدد ماشي مرض فيها
والطب بالعالم اثبت لليمن حقده
هو من نشرها وبسمومه يغذيها
واللي خرج منها مراده العوده
لن له كنيسه بها ومقبره فيها
وله مصالح بها مسجله عنده
مينا ومصفاه واشيا لن اسميها
ما اصحابنا هم رسل بالعفش والعده
لغيرهم مالهم شي مصلحه فيها
شرحت لك ما يسر لا ماعجبك رده
هذه هي اسراركم مابا اقدر اخفيها
لو بشرح أسبوع كامل عنكم كوده
بالميه عشرين معلومه يغطيها
بعض البشر شطحته امتار محدوده
واصبح يمثل لنا جد الهلاليها
بختم وصلوا على طه عدد رعده
وعداد ما المزن يخصبها ويرويها
صلاه تغشاه من عندي الى عنده
ذي خصه الله بنوره والكماليها
BY نفحات من الشعر الشعبي
Share with your friend now:
tgoop.com/navhat/1584