tgoop.com/navhat/1585
Last Update:
قصيدة رائعه من كلمات شاعر الأجيال شايف محمد الخالدي ابو لوزه ..الله يرحمه وللعلم القصيدة.سجلتها من مقطع صوت مسجل بصوته وتحياتي للجميع
::::::::::::::::::::::::::::::::::::::::::::::::::::::::::::::::::::-
أيش يا العين ذي خلا دمــوعش سواكب
🌁🌁ليه كثر البكاء من قـهــر أو مــن غـلابــه
قالة العيـــن بكـاني فــراق الحبايــب
🌁🌁 مـن فرق صاحبه يامـحـنـته ياعــذابــه
أيش من نـوم أو راحه يــراها منــاسب
🌁🌁 ذي تنســيه محـبـوبــه وينـسـى عتـابــه
حين يرقد ويذكر إن له خـل غايــب
🌁🌁يكره النــوم والمرقـد ويفـقــد صوابــــه
يحسب أن كل أمواله ومـا كان كاســب
🌁🌁شلــها سيل أو استــولت عليــها عصابــه
والمحبه شقيه لا ســقا بخت صـاحب
🌁🌁 فارقه صاحبه واصبح صعـيـب القاء به
ونبي ما معــه غير التعــب والـغلايـــب
🌁🌁لــو ملــك (مـال)هــولنــدا ُوادي سبــابــه
دون محـبوب مايـرتاح مــهـما يواضــب
🌁🌁أو يحـاول يعـاقــب صاحبـه في غيــابـه
لا جزي خير ذي مايحسب المال ذاهب
🌁🌁مال نســاه محـبوبــه ونـاقــش خــضابــه
قهر أبو الوزه الشاعر ومـا كان واجـــب
🌁🌁وقهــري على مـا فـات واكشـف نــقــابـه
ماهل القلب هوذي صر مازال غاضب
🌁🌁كل ســاعـة يــذكرنـــي وينـشر خطــابــه
قال يا خالدي خذ من زمـانك تجارب
🌁🌁لو مــرادك نعــيد الحــق لمــا نصابــــــه
أمس ذي فات لا تنساه والــيوم حاسب
🌁أعـط ذا اليـوم حقـه وأمس هـب له حسابـه
قلت يالقلب قلي أيـش لـك من مئـارب
🌁🌁تـشـرح اقـوال ما يلــزم علـيها الإجــابـه
لا تذكرنــي أيــام الصــبا والعــجايــب
🌁🌁أيش جاب الزمن لول وأمس ايش جابه
راح وقت الصبا واغــمت عليه السحايب
🌁🌁ونقــرض سـاسه المعمور واصـبح خرابـه
زهــرت العمر محـدوده ومثل المناصب
🌁🌁ذا مـرشح لهــا وآخر. يــروم أنــسحـــابـه
والفــلك زام والأيــام مثل الكــواكــــب
🌁🌁وقت محدود تـشرق في سمــاها وغـابـه
والهــواء في محــله ذاك ساكت وراتــب
🌁🌁أشهــى العيش لـلعاشــق ولــذت شــــرابه
من بلـي بالهــواء ما بايـهــم العواقـــب
🌁🌁بيــنمــا لا قــنع قــلــبه ولا النــفس تــابـه
والمحبـه شقيه من يُقــل تاب كـاذب
🌁🌁لــو بنار الهـواء تحرق عــظـامــه وذابـــه
(مثلي) إنـسان ,بالستيــن أو ما يــقارب
🌁🌁بحـسب ان عـاد عنـدي ليـلة النـور طـابـه
ما على الخالدي حتى لو الراس شايــب
🌁🌁عادت العيس لا شيب الجمل طـال نابــه
عادلـك خاطري محنون والقــلب راغب
🌁🌁ملحسك يالعسل من فـوق قـطع الـذبابــه
طالما القلب من أجـلك مـعذب وتـاعـب
🌁🌁لـلمحبــين بـاب الحـب ما غلـقـت بـابـــه
إن ما حــب زيـنات النـبع والحــواجــب
🌁🌁حب محصـور بالرغـبة وتــحـت الرقـابـه
ما العاشق بهن حصه ولو كـان عــازب
🌁🌁مسـه الشيـب ولا أصبـح مفـارق شــبابـه
هكــذا طبعهــن دائم تـراهن غواضـب
🌁🌁ضـد من شيب أو بـانـت عليـه الـكئـابــه
ما بهـن من يخـاف الله ولا من يــراقب
🌁🌁والهــواء ماشــمل وعـطى لكلـن حسـابـه
ليت لي بالهـواء جانــب وللـخـل جانـب
🌁🌁كنت من جانبــي بنهـد وهــو من جــنابـه
ختمــها بالنبي ماخط بـاللـوح كــاتــب
🌁🌁تـغـشى المصـطـفى والآل ثـم الصـحـابـه
BY نفحات من الشعر الشعبي
Share with your friend now:
tgoop.com/navhat/1585