نُقطة.

من بين الأمور الّي أحِبّ تكون موجودة بأي علاقة، هوَ إحساس إنّي ما أهون، ما أهون لا بمكانتي ولا بشعوري عند المقابل، الّي يتحمّلني لأنّه يعرفني، الّي شايل محبّتي ومكانتي بنص روحه، وما يخلّيني للاحتمالات.

كلّش ما أحِبّ شخص يخلّيني أحِسّ بمشاعر مو حلوة بسببه، لو يخلّيني لأفكاري وتساؤلاتي ونفسي، وهوَ يگدر يجاوبني ويطمّنّي ويهدّيني من يعرف بقلقي ووسوستي.

ما أحِبّ يخلّيني أسأل وأگول: ليش اختار الاختصار والسكوت بدل ما يوضّحلي ويطمّنّي؟

ما أريد يخلّيني أحِسّ إنّه متفضّل عليّه بوقته الّي أنطاه، أو إنّه يتحمّلني شفقة من عنده أو مجاملة، أبدًا ما أريد هيچ أشخاص بمحيطي.

كلّ الّي أريده عطاء يناسب المحبّة والحنيّة والخوف الّي أنطيه الهم، ويكون تبادل بكلّ حُبّ ورحابة صدر.

www.tgoop.com/po_Oint1/10886

2.7K viewsTuqa Saad., Feb 19 at 16:47

من بين الأمور الّي أحِبّ تكون موجودة بأي علاقة، هوَ إحساس إنّي ما أهون، ما أهون لا بمكانتي ولا بشعوري عند المقابل، الّي يتحمّلني لأنّه يعرفني، الّي شايل محبّتي ومكانتي بنص روحه، وما يخلّيني للاحتمالات.

كلّش ما أحِبّ شخص يخلّيني أحِسّ بمشاعر مو حلوة بسببه، لو يخلّيني لأفكاري وتساؤلاتي ونفسي، وهوَ يگدر يجاوبني ويطمّنّي ويهدّيني من يعرف بقلقي ووسوستي.

ما أحِبّ يخلّيني أسأل وأگول: ليش اختار الاختصار والسكوت بدل ما يوضّحلي ويطمّنّي؟

ما أريد يخلّيني أحِسّ إنّه متفضّل عليّه بوقته الّي أنطاه، أو إنّه يتحمّلني شفقة من عنده أو مجاملة، أبدًا ما أريد هيچ أشخاص بمحيطي.

كلّ الّي أريده عطاء يناسب المحبّة والحنيّة والخوف الّي أنطيه الهم، ويكون تبادل بكلّ حُبّ ورحابة صدر.

BY نُقطة.