tgoop.com/qwertyuiopasdfghjklasdfbnm/1072
Last Update:
آه يسجاد * آه يسجاد الحرم بيدك خذتهه
آه يسجاد * آه يسجاد المصيبه الي اتحملتهه
آه يسجاد آه يسجاد
چم مصيبه چم مراره تمرمرة
يبن فاطم بالمسيره اتحملة
من شفت ارض الطفوف اتحيرة
يبگه ابوك حسين جثه اتصورة
آه يسجاد * آه يسجاد الجثث لمن شفتهه
آه يسجاد * آه يسجاد ومرض روحك عفتهه
آه يسجاد آه يسجاد
آه يسجاد المصايب ولعجيبه
جثة احسينك بگة بالطف سليبه
بعد اغرب والمصايب هالغريبه
عمك العباس عالشاطي نصيبه
آه يسجاد * آه يسجاد الالم غير صفاتك
آه يسجاد * آه يسجاد الحرم لمهه بعباتك
آه يسجاد آه يسجاد
شلون حالك من شفت وجه تغيّر
شفت اخوك اموذرينه علي الاكبر
شلون حالك من شفت جسمه موذر
انهدم حيلك سيدي ولونك تعفر
آه يسجاد * آه يسجاد المصيبه مو مصيبه
آه يسجاد * آه يسجاد الدهر كثر نحيبه
آه يسجاد آه يسجاد
بعد يا اعظم جرح الماحملته
ذاك عريس الهواشم من حظنته
منذبح شفت الطفل ذبلانه شفته
اتوسد ابأرض الطفوف وصعبه قصته
آه يسجاد * آه يسجاد المصيبه ياعظمهه
آه يسجاد * آه يسجاد الطفوف وياهضمهه
آه يسجاد آه يسجاد
ماكفاهم ماجرا لك بالحرب
رحت ويه اعداك لديار الغرب
بمجلس ابن ازياد للكوفه تطب
گالو ابن الخارجي ودمعك يصب
آه يسجاد * آه يسجاد شجرالك بالدرب
آه يسجاد * آه يسجاد ابهضم مجلس تطب
آه يسجاد آه يسجاد
آه نذكر ماجره عليك بسبيهم
وانته ياتالي الامامه ابين اديهم
انته ياسهم الجرعته من حچيهم
نفوا دستور الرساله او نبيهم
آه يسجاد * آه يسجاد اوسهمهم من جرعته
آه يسجاد * آه يسجاد الامر الله رفعته
آه يسجاد آه يسجاد
**
الى خادم السجاد ع
السيد محمد الموسوي الجابري
BY الخطيب والشاعر السيد محمد الموسوي الجابري
Share with your friend now:
tgoop.com/qwertyuiopasdfghjklasdfbnm/1072