tgoop.com/qwertyuiopasdfghjklasdfbnm/1073
Last Update:
من البحر * صوب النحر
مشايا لحسين
****
من البحر الذاك النحر كلنا نعاهد
مشايه جدم على جدم بس الله شاهد
غض النظر من يابلد او يا مجاهد
عشقك يبوالاكبر يذل اكبر معاند
عشقك كبر * صوب النحر
مشايا لحسين
****
عشقك كبر يابو علي كلها تجيلك
احبابك وصوب النحر من نعتنيلك
افواج الك من كل بلد تشهد اسنينك
ياكعبه يالماتنوصف دورة يمينك
شمحله السفر * صوب النحر
مشايا لحسين
****
شمحله السفر الكربله لو بيه متاعب
لو تتعب اجدام المحب مايمشي راكب
سمونه مضياف البلد بسم المواكب
رغمن عليه اليعترض رغم النواصب
نتبع اثر * صوب النحر
مشايا لحسين
****
نتبع اثر صبط النبي مشايا لحسين
من البصره جدينا الخِطا والدمع نهرين
جينا وگصدنا كربله وراعي الچفين
عباس ذاك اعلى النهر مگطوع اليمين
رايه وگمر * صوب النحر
مشايا لحسين
****
رايه وگمر يم النهر بيد الكفلها
صولاته چن صولت علي لمن حملها
عباس بالحومه ارتجز گال آنه الها
والعده تاهت بالحرب تاهت دربها
بيها انتصر * صوب النحر
مشايا لحسين
****
بيها انتصر خضعة اله كل الكتايب
رافع اشاره بالنصر يوم الحرايب
صفين والمضهر حرب لبن الاطايب
من حيدره ماخذ عزم حاضرها غايب
حيدر حضر * صوب النحر
مشايا لحسين
****
الى خادم الحسين ع
السيد محمد الموسوي الجابري
BY الخطيب والشاعر السيد محمد الموسوي الجابري
Share with your friend now:
tgoop.com/qwertyuiopasdfghjklasdfbnm/1073