tgoop.com/rayhanatmojahed/6057
Last Update:
🌸نورٌ على نور🌸
الحلقة العشرين💐
ترجل من سيارته حينها تفاجأ به سراج فنزل إليه وضمه قائلًا:
سراج: بعدك عايش الحمدلله
صادق: لي مين قلك متت
_:قلنا أكتر من سنة منفتش عليك وما عم نلاقيك
_:قصة طويلة بحكيلك هيي
_:ماشي، انا كنت رايح عالشغل منلتقي بعد الظهر شو رأيك
_:ماشي أعطيني رقمك وبحكيك
_:ماشي سجل عندك
عنده أكمل كل منهم طريقه..
🌸🌸🌸🌸🌸🌸
وصل سراج المركز حيث التقى بالحاج محمود
سراج: سلام يا حاج
الحاج: سلام كيفك
_:الحمدلله، شو حققتو معها
_:اي طلعت القصة كبيرة
_:والله شو صار
روى له ما حصل
سراج: اف هالقد القصة كبيرة
الحاج: اي والله
_:شو منا نعمل اسا
_:منا نكمل التحقيق، بس لازم نجمع معلومات بعد
_:اذا بدكن شي انا جاهز
_:بعرف ما بتقصر اذا احتاجت القصة بحكيك
_:بالخدمة
_:حبيبي
_:يالله بالاذن
_:اذنك معك شو بصير تطورات خبرني
_:ماشي، سلام
_:مع السلامة
🌸🌸🌸🌸🌸🌸🌸
صعدت أم سراج إلى غرفة فاطمة وطرق الباب
فاطمة:تفضلي
أم سراج: بدي احكيك بموضوع
_:اي حبيبتي
_:قال امتا بتحبو ينكتب الكتاب
_:الأفضل بعد الأربعين مش زابطة هلا
_:والله بعرف بس بعد في كتير، وكل ما استعجلنا بالعلاج بكون افضل
_:سراج ما حدد شي
_:قلي أسالك قبل أنت إذا بدك تحددي
_:لكن متل ما بدو
_:قال كم يوم ليخلص شغل وبجيب الشيخ، عكل حال هوي كتب كتاب ما حينعمل شي
_:اتكال عالله
_:حبيبتي
🌸🌸🌸🌸🌸🌸
بعد الظهر إتصل صادق بسراج وإلتقيا في المطعم
سراج: اشتقنالك يا زلمي وين بعد غياب
صادق: حبيبي بالقلب
_:خبرني شو صار معك
_:طلبلنا فنجان قهوة بالأول
_:تكرم
_:الله يكرمك، والله قصتنا طويلة
_:احكي
_:عأساس كنا بسوريا وراجعين عالبيت ونحن بالطريق تعرضنا لإصابة وضلينا فترة لمرق حدا واخدنا عالمستشفى بعدها فتت بالغومة لفترة طويلة اكتر من سنة وما حدا عرف مين نحن ولمعي استشهدو وبقيت لحالي وبس فقت كنت فاقد الذاكرة وبعدان التقيت بحدا من الشباب وعرفني وشوي شوي رجعت اتذكر ومن شي أسبوع رجعت مع الشباب
_:والله قصتك قصة
_:شايف
_:الحمدلله لرجعت
_:ما قلي نصيب استشهدت
_: الك شغل بعد وعقبال ما نفرح فيك
_:وفيك يا رب
جلسوا حوالي ساعتين وودعا بعضهما وعاد سراج إلى منزله..
🌸🌸🌸🌸🌸🌸🌸
جلس سراج مع والدته لمعرفة رأي فاطمة
سراج: شو قالتلي فاطمة
أم سراج: اول شي طلبت بعد الأربعين بس حكيتها انو نعجل كرمالها عشان العلاج قالت متل ما بدك قلتلها بعد كم يوم لتخلص شغل
سراج: اي تمام بحكي الشيخ وبحدد الوقت واليوم وبخبركن
_:ماشي حبيبي
_:بدك تتغدى؟
_:شو عاملي
_:ملوخية
_:اي باكل من ايديكي بتطلع غير شكل
_:الله يرضى عليك، راح حطلك واجي
_:ماشي
🌸🌸🌸🌸🌸
بعد يومين تم التحقيق بقضية سمر وتبين أن ليست لها علاقة لكن تم تحقيق معها مرة أخرى لأخذ المزيد من المعلومات
الحاج: اي شو بعد بتعرفي عن عمك
سمر: حكيت كل شي
_:تذكري وبوعدك طلعك
_:عنجد راح اضهر
_:اي بس بدك تحكيلي كل شي بخصوص عمك لنقدر نثبت عليه القصة
_:انا بقدر خبركن عن محلو بس غير هيك ما بعرف
_:ماشي اعطينا العنوان ونحن منحقق بالقضية
_:ماشي هو عايش ببيت قريب من الضيعة(وأعطته التفاصيل)
_:طيب ما بتعرفي اذا دخلو بقصة الاغتيال الحاج عباس
_:لا ما بيحكو شي ادامي، هوي بس كان يضل يحكي عن محمك وانو لازم انتقم منو
_:ماشي راح نخليكي تفلي لأنو تأكدنا انو ما دخلك بس أيا شي بتعرفيه بدك تعطيني علم فيه وتأكدي أنك حتكوني تحت مراقبتنا
_:بوعدك شو ما اعرف راح خبرك، بس شو بأكدلي انو بيي كان عميل
_:راح فرجيكي صور وبتتأكدي بنفسك
_:أرجيني
أعطاها الحاج عدة صور لأبيها مع بعض الموساد وتجار المخدرات
_:شو تأكدتي
_:اي
_:بتمنى معاش تقربي عمحمد وخطيبتو
_:ماشي كنت بدي انتقم وهلا عرفت الحقيقة
_:تمام تفضلي صار فيكي تروحي
_:شكرًا
_:الله معك
إنتظرونا في الحلقات المقبلة...
✍israa ftouni♥️
♡♡♡♡♡♡♡♡♡♡
❗غير مُسامح شرعًا حذف الإسم عن القصّة أو التصّرف بمحتواها❗
BY رَيْحَانَة ♡ مُجَاهِدْ❤️
Share with your friend now:
tgoop.com/rayhanatmojahed/6057