tgoop.com/razmova/3605
Last Update:
Белая Баба — персанаж беларускай міфалогіі , злы дух і дэман , які жыве ў пекле і з'яўляецца толькі ў момант смерці або незадоўга да яе, прадказваючы хуткую смерць. Белая Баба – увасабленне смерці і бяды.
Часцей за ўсё яна паўстае маладой, даўганогай і вельмі прыгожай жанчынай, у белым, нібы ў вясельным апрананні.
У другіх уяўленнях Белая баба адлюстроўвалася як высокая фігура з вогненным вянком, усюды, дзе яна праходзіць, з'яўляюцца магілы, а ў які бок махне хусткаю - спусташаюцца гарады і вёскі.
Яна з'яўляецца перад людзьмі, а часам і перад іншымі жывымі істотамі, у момант іх смерці або незадоўга да яе. Пасля гэтага яна адкідвае покрыва і паказвае ім свой сапраўдны твар - твар жудаснай памерлай старой жанчыны. Пазбегнуць сустрэчы з Белай Бабай ці хаця б адкласці яе можна толькі адзіным чынам — трэба пад ганкам хаты закапаць кабыліную галаву, а таксама павесіць касу на варотах ці на верхніх дзвярах і прыбіць цвіком падкову да парога хаты, толькі тады будзе верагоднасць, што яна некаторы час за табой не прыйдзе.
Крыніца: Дзед Палешук
#беларуская_міфалогія
BY РазМова
![](https://photo2.tgoop.com/u/cdn4.cdn-telegram.org/file/Nwh0IyWmDmduKK05USRTvh0jF-XVybOKL9potbeIuiI3pcrBXWBwMerXbX8N3UO4iGZ1g6aGDZe9SCFtiB2LWxNylj_S_H3QWIUZ4qeFsbiKUQWG69TzNE0Lkg9dyqlrl_LtBSjnR3wRxyK1WBEg9BIHKT-678eS7_r__cYP6XoNV_KKtV6ugv9JiKSIkBD7EtdrqedjYOjL2HEpfRCRA7CzK7KaRZg1LKF8taqGN-MJCj7cvuCmgQW9M6_1Mt5l1EnE0f9ZzS70WDqvKt9jhp1W32YqHrrpat_rxC1pQFP9MaDAIp2d9l52CtOLYM0o86HfPgnmi3B_pfXqhEAkvg.jpg)
Share with your friend now:
tgoop.com/razmova/3605