tgoop.com/rdeaa/38341
Last Update:
ميمر....(عشاق الخدمه)
..................................
صحنه بجرح.. للمنذبح.
ياهيبة الطف . ياصرح.
دكَينه بابك .خدّام . وي الخدم خلينه.
..............................................
دكينه بابك .يل حنين اقبلنه
بدفتر الخدمه والخدم سجلنه .
نقسم عليك ابفاطمه وفقنه.
لمحبتك...والخدمتك.
خلينه حدر اعبايتك.
مدينه ادينه وندريك ماتبخل وتنطينه.
..........................................
ماتبخل اعله احبابك وخدامك.
يامن بصدرك عزبتها اسهامك
والله بضمايرنه تجول الامك.
تاه الكلب . .وانت الدرب .
دلينه ..من بابك نطب.
ماعدنه غيرك مولاي بس خدمتك تهدينه.
.............................................
نبقى اعله بابك عمر وتفيض العين
مانمشي اله بختم خدام حسين.
انته السفينه الاسرع الكَلب الدين .
انته الهوى . .وانت الضوه
يارحمة الله . ب نينوى.
اجبر خواطرنه بهاي.. يمك بشر سوينه.
............................................
نقسم عليك بدم نحر عبدالله.
بسرك المخفي البينك وبين الله.
بذاك الذي رد الشمس من صلّه
منبدلك. . . ونمثلك
والذله حلوه . بس الك
يل تمنح الخادم تاج. وبكل كلافه تعينه.
.............................................
حطنه بأقل رتبة خدم بالخدمه.
يالغالي.. لا تحرمنه هاي النعمه.
هنياله كلّمن من يمينه اتلزمه .
وتوجهه. .... من ياجهه.
يصبح بضلك.. واجهه.
يتعلم ادروس اهواي كلمن لزمت ايمينه.
...........................................
✍ ابو منتظر الحجامي. 2024
BY الرادود الحسيني ملاهيثم اللامي قصائد وألحان خادم الزهراء ع🎤
Share with your friend now:
tgoop.com/rdeaa/38341