tgoop.com/rdeaa/38395
Last Update:
ولـو ريحة قميصك خــل تمــر بينا
مثــل يعگـــوب ننطــــر اه يمهدينا
صرخنه أبدمع المصاب بعد مـــا نحمل أغياب
*
عجاف أسنين يوسف يبن الإكرام مـــرّنْ بالســلامــه
سبعه وخلصن وأنـته إلــف عـــام نطــرناهن يتــامــه
كـــل عـــام ونگـــول أتزول الآلام وخلصت چم علامه
ولــو ريحت قميصــك هــاي الأيام تــرد بينه ابتسامـه
نٍظـر يعگوب رد ابريحت أحبابه ونظرنا أمتاني غايب يخلص أغيابه
صرخنه أبلوعـة أحبــاب بعد مـــا نحمل أغياب
*
يعگوب اعله يوسف لــوعته آسنين مــنْ طـــوّل غيابـه
علـى افــراگه عمـتْ وابيضت العين شكثر نــاح لشبابه
انتظــرناك ابگلـــب فــاگـــد محبين مــا يبــرد مصـابـه
خلص يعگــوب نوحـه واحنه باقين بحـزن شيسده بابه
حزّنــه الما خلص لا كفت اسنينه يتجدد من نگول ابن الحسن وينه
حِزنـّــه الما يسد بــاب بعد مـــا نحمل أغياب
****
الـك ثــارات عصرن سيدي الروح مـــن ظلع الـــزجيه
وثار حسين ذاك النحــره مذبــوح يـــــوم الغاضـــريه
يا ثــار التعوفــه ويسكـن النـــوح مـــن حقد آل أميـه
والك بسبايكـــر ثـــارات وجـروح الـف وسبـــع ميــه
يا ثــار التعـوفه ويشفن أجروحـك وانه ادري اتهلاهب نار وي روحك
وكل يوم الدمه اخضاب بعد مـــا نحمل أغياب
*
ايـــام انتظــارك تسعـــر أبنــــار الغياب أتزيد نـاره
مـــا تطفه ابـــد نـار الطلب ثــار ألا يـــردله ثـــاره
مثل گلب الي فگدت تنطـر اخبار على جمر انتظاره
هيـــچ أنّاطــرك يا شبل الأطهـار بدمـــوع اتجــاره
ترد انه وغيابك تخلص اسنينه ومثل يعگوب تدري شكثر ونينه
النظر يبن الحسن شاب بعد مـــا نحمل أغياب
*
كـل جمعه ونگـول الغايب يعــود مثل يوسف يجينه
وجفن العين يشفه الچان مرمود لونـّـه يمــر علينه
دمعـــات اليتيم أتجــرح أخـــدود من شوگه وحنينه
وتندب كل وكـت عالساتـر أجنود راعــي الثار وينه
على الساتر زلم تتنطر أيامــك تحس أبلوعتك تستشعر آلامك
يمن للثـــار طِــــلاب بعد مـــا نحمل أغياب
****
وحگ شمعة شبـاب الضحـو أرواح مـــن اجل العقيده
وحگ صوت اليتم ابعيده مـن صاح طفل مذبوح عيده
وحگ روس الهواشم فوگ الرماح الحسين وعضيده
ننتظــرك ابچف الشـــايـل أســــلاح يــا شبل الصميده
انتظـرناك وتهــل لجلك مـدامعنه وعلى أخدود الأمل چم دمعه شيعنه
دمعنه يسيل سچاب بعد مـــا نحمل أغياب
*
الشاعر
موسى البديري
*
BY الرادود الحسيني ملاهيثم اللامي قصائد وألحان خادم الزهراء ع🎤
Share with your friend now:
tgoop.com/rdeaa/38395