tgoop.com/rdeaa/38399
Last Update:
وين انت يالمهدي .. خلصني من عندي
انه وين وانتظارك صار وين
روحي اخذها عليك مشيت الحسين
ــــــــــــــــــــــــــــــــــــــ
وين ادورك .. ردت اشوفك
عليك امك فاطمه وديني ليك
جبت روحي.. الما احبها
رايد تخلصني منها من اجيك
هواي اجرحك .. وانت تعذر !!!؟؟
واني حيل هواي كلش منطي بيك
شايفهن ابعيني .. كلهن سجاجيني
هاي الجروح ابگفاك اعليه دين
روحي اخذها عليك مشيت الحسين
ــــــــــــــــــــــــــــــــــــــ
اليوم باجر .. وياك اصفه
الف باجر شو عبر بس ماذكرتك
المغربيه .. تدعي ليه
مفرع وتستغفر لذنبي ابدمعتك
موسد اتراب .. بالصحاري
واني ما فكر ابد حتى ابرجعتك
وين انت ياديره .. ثق حيرتي جبيره
رايد ارجعلك صدگ واشبع ونين
روحي اخذها عليك مشيت الحسين
ــــــــــــــــــــــــــــــــــــــ
بيا جزيره .. بيا مدينه
عليمن تدور يمهدي بهاي الايام
بكربلائك… انت هسه
خاف يم عمتك رحت متعني للشام
بس انشدك .. وادري اجرحك
اكو بثيابك حرگ من حرگ الخيام ؟؟
ارقيه جارحتك ؟؟ .. لو حاير لعَمتك ؟؟
تفكر شلون بحبل مجتوفه ادين
روحي اخذها عليك مشيت الحسين
ــــــــــــــــــــــــــــــــــــــ
عيوني صلفه .. هواي تغفه
واحس بيك من البچي معميه العيون
بطولي امشي .. وانت محني
سياط عمااااتك الم تارسها المتون
وين غافي .. تمشي حافي
تفكر بسكنه ورقيه الحافي يمشون
بعينك اثر سطره .. من سطرت الزهره
بيك ذني وعايش لحالك حزين
روحي اخذها عليك مشيت الحسين
ــــــــــــــــــــــــــــــــــــــ
تبجي المن ،، هواي الجروح
العصرت الباب المدامع لو للعيال
بيك ديره ،، من المواجع
وحزنك التارس دليلك يهدم اجبال
والمصيبه ،، ننسه جرحك
گلوبنه مقفوله عنك بقوه القفال
ناسين وانجرحك ،، كل ما طلع صبحك
واحنه ماننشد عليك امسيت وين
روحي اخذها عليك مشيت الحسين
خالد عبد السادة البدير
www.tgoop.com/rdeaa
BY الرادود الحسيني ملاهيثم اللامي قصائد وألحان خادم الزهراء ع🎤
Share with your friend now:
tgoop.com/rdeaa/38399