tgoop.com/roaiaty/866636
Last Update:
سمير:جاي .....شغلي سيكارة
هزار:نولعلك من نيران قلبك
ما سدءت ايمتى قطعتو لاني ما عم اتحمل كميه هالعشق الي جواتي وبس عديتو ضحكت من جوات قلبي
فدوى:الله يلعن ابو الحب
سالي:😠بطلت حبو
فدوى:روقي على دقات قلبك لكن...بس سمير شكلو وقع بسهام عيونك 😍
سالي:😟معقول
فدوى:حسيتو بدو ياكلك بعيونو لو تشوفي هالنظرات يخرب بيتو ما انجرحتي منهن
سالي:دبحني😣
فدوى:ما عدا اسمعي الاغاني العمر لا رحت ما يسوى😂😂والله ما يسوى
سالي:😂خليني ادلل واتقل بس بيني وبينك كأنو ناطرني
فدوى:ما تزحزح الا لشافك طلعتي يمكن انسحر بالتريسحه غيرو عتاباتكم ترزقون
سالي:شيخه والله
فدوى: 😂بركاتي
سالي: 😃بركاتك حجه فدوى
اطلعت فيه عيونو مية بالمية عليي مو بس هو وبسام وهزار معقول بيعرفو شي😒😒باينتي مفضوحه بين رفقاتو للافندي بس للامانه كان قلبي عم يرفرف فرح وعم يفيض حب وعشق وغرام ....اخ اليوم مستحيل نام .
وصلت ع البيت لساه عالق بذاكرتي هو عيونو نظرتو وقفتو طلتو اغانيه ترجمتها كلها بس لازم اتقل التقل صنعه .
شغلت التلفزيون لاطلع من الحالة الي انا فيها تبع توزيع الابتسامات لانو هي تاني بهدلة الاولى من ماما والتانيه من احمد😂
وكل شوي ماما تزورني وقت تشوفني شاردة وعم ابتسم للحيطان 😂حطيت على قناة اغاني وكل اغنيه احلى من التانيه ...وين روح بحالي لحتى انساه راح روح اندفس تمددت بالتخت وغمضت عيوني واتزكرت موقف اليوم😂قال ادعس على قلبي بعد هالنظرات مستحيل عم اقنع حالي اني انساك الغيك او اكرهك مستحيل مافيني لازم حدا يبشعو بعيوني لازم حدا يكرهني فيه وحتى الموقف الي عملو معي ما خلاني اكرهو ل لثانيه يمكن ردة فعلي كانت بتكفي لاحكيلو انو انا ما بدي يتمادى معي بس لشو الكزب هلا عم حن للحظه الي انجمعت معو فيها .
لانساه فتحت لكتاب ومشالله عني بكل صفحه انقش حرف S ♡ وحدو قلب حب وشو اشتهي اكتب اسمو مو بس ع الدفتر على ايدي متل ما نقشتو على قلبي بس بخاف انكشف ما سدءت ايمتى احمد طالعني من راسو وامن فيني .
""""
صوت المطر بهديك الليله كان بيجنن وبالاخص وقت اتزكر انو سمير عايش بنفس الجو .
الصبح جهزت حالي منيح لروح ع المدرسه لاعيش مغامرة جديدة طلعت من البيت والتقيت ب شم ئرين الله ياخدها وهيك عملت حالي كرهانها كتير وعم احكي معها بنفسيه حقيرة عكس نفسيتي لحد ما التقيت ب ساجدة عم تنزل من سيارة اخوها هزار واليوم لنتبهت انو اشقراني وحلو بس ما اهتميت حدا عندو قمر وبيطلع بلنجوم القيت نظرتي الخارقه ع المحل وكنت عم فتش ودقق لحد ما طلع من محل جهاد😷رجعلو دغري مافيه بلاه يقعد ثانيه وبس شافني ابتسملي ابتسامه عم تشع امل يمكن شافني معلقه فيه عم يجبر بخاطري يعني لو انا حدا باعتلي هيك مكتوب يمكن اشفق عليه واحكيلو يزلمه ليش ما خبرتني من الاساس هي انا هون حدك😅اكيد سمير على هاد الاساس عم يمشي وهو الي خبرني انو بيكرهني شو عدا ما بدا دخلنا سوى ودغري عايدة متل القضا المستعجل تعمشقت فينا وشنكلتني وشنكلت ساجدة
عايدة:الله يقرب الشام ع الصالحيه
سالي:شو بتقصدي
عايدة:ساجدة بلعادة بتكون مع سما
ساجدة:تخانقنا
سالي"ليش
ساجدة:قال خجلانه تمشي حدي لاني طويلة وهي قصيرة وفضت الصحبه
سالي:هههه هي مجنونه
ساجدة:امانه مو طولي وسط
عايدة:لا طول الزرافه بس😯
سالي:😂انتي من عيلة عملاقه اقل منها
.ساجدة:والله كلنا هيك طوال من لكبير للصغير هي لو بتشوف اخي لكبير بتموت
سالي:😂هاد الي معك
ساجدة:لا هاد تصنيفو وسط مو طويل
عايدة😱هاد وسط ولي عليكي قد الشنتير
ساجدة:اي صحيح سالي بدي خبرك على سيرة هزار
سالي:ابدعي
ساجدة:اليوم سألني عنك....مو بس اليوم ومبارحه كمان رجعنا ع البيت ونحن بسيرتك
سالي:اوف من الباب للطاقه
ساجدة:لا حكالي وسالني عنك وبنت مين وعرف ابوكي وحكالي انو التقى فيه بالمطار بسفرة من السفرات وكمان بيعرف احمد اخوكي
سالي:لحد هلا تمام
ساجدة:لا لمحلي على اعجاب وانو اخد رايك بالموضوع
سالي:😕انا من جيل بناتو
ساجدة:😂يبعتلك الهنا صغير هزار بتعرفي اصغر من بسام وسمير
سالي:ومين هدول
نكرتهن بسهولة وعايدة فتحت عيونها وتمها وشهقت من خباثتي
ساجدة:رفقاتو هاد اب سمرا صاحب المحل
سالي:يمكن لمحتو
عايدة:لاااا لهون وبس
سالي:انتي اخرسي
ساجدة:😂طيب شو قلتي
سالي:ليكي انا والله ما بعرف بشغلات الحب والغرام لكون صريحه معك يعني كيف بدي ادخل بتجربه تكون فاشله
ساجدة:اخي ما عندو لف ودوران اي دغري خطبه وزواج
عايدة:لااا يا شيخه
ساجدة:اي والله
سالي:😒انا بدي كمل دراسه
ساجدة:بحكيلو هيك منيح
يعني معقول ما بيعرف او سمير ما خبرو ولا حتى بسام غلط قدامو لكان كيف حكالو شعلها بنيران قلبك😂للسيكارة معقول بدهن بختبروني اي شو عليه انا مخي مافي منو ونظيف
BY رواياتي📚
Share with your friend now:
tgoop.com/roaiaty/866636