tgoop.com/rost_24uz/11554
Last Update:
⚡️Энди кунига 22 300 сўм топган одам камбағал ҳисобланмайди
2024 йил декабрь ойида май ойига нисбатан ҳисобланган истеъмол нархлари индексидан келиб чиқиб, 2025 йил учун ҳисобланган минимал истеъмол харажатлари қиймати бир ойда киши бошига 669 минг сўмни ташкил этди. Бу ҳақда Статистика агентлиги ахборот хизмати хабар берди.
Маълумот учун, 2023 йил (йиллик) инфляция даражасидан келиб чиқиб, 2024 йил учун ҳисобланган минимал истеъмол харажатлари қиймати бир ойда киши бошига 621 минг сўмни, 2024 йил 1 майда эълон қилинган қиймат 648 сўмни ташкил этган.
Шуни таъкидлаш лозимки, статистика агентлиги келтирадиган минимал истеъмол харажатлари қийматини ҳисоблаш тартибига асосан, келгуси йил учун минимал истеъмол харажатлари озиқ-овқат, ноозиқ-овқат, маҳсулотлари ва хизматлар нархлари даражасидан келиб чиқиб, индексация қилиб борилади.
Шундай экан ушбу статистик ҳисоб-китобни мукаммал дея олмаймиз. Чунки, свет, газ, метан, пропан, коммунал тўловлар, озиқ овқат нархлари осмон қадар ошиб бораётган бир замонда бир кишига бир ойга 670 сўм етиши мўъжизадай гап. Айниқса, шаҳар шароитида бу маблағ ўртача ишлатганда ҳам бир ойда эмас бир кунда битади десак мантиқли бўлади. Қишлоқ шароитида ҳам, айнан қиш фаслида, нарх наво ошган бир пайтда, масалан, кўмир, газ, свет озиқ-овқатларга ҳам бир ойда етмаслиги тайин. Қолаверса, минимал ойлик даромад ҳам ҳавас қиларли эмас. Нархлар эса тез суръатларда ошмоқда.
ROST24.uz | Telegram | Facebook
Instagram | YouTube | Tezkor
BY Rost24 | Расмий канал
Share with your friend now:
tgoop.com/rost_24uz/11554