tgoop.com/rost_24uz/11556
Last Update:
⚡️ Қирғизистон ҳам экспортни тўхтатмоқчи, картошка яна қимматлайдими?
Ўтган йил картошка экспортининг асосий қисмини Ўзбекистонга юборган Қирғизистон ҳам экспортни тақиқлаш имкониятини кўриб чиқмоқда. Бу ҳақда "Sputnik Kyrgyzstan" хабар берди.
Қирғизистон қишлоқ хўжалиги вазирига кўра, бу чора чайқовчилик ва асоссиз нархлар ошишининг олдини олишга қаратилган.
Маълум қилинишича, ўтган йилнинг 11 ойи давомида Қирғизистон 68,2 минг тонна картошкани четга экспорт қилган, уларнинг асосий қисми айнан Ўзбекистонга юборилган.
Шунингдек, Ўзбекистонда январь ойида картошка нархи 23,9 фоизга қимматлади. 2025 йилнинг январида ойлик инфляция 0,7%, йиллик инфляция эса 9,9% ни ташкил этган.
Агар Қирғизистон ҳам экспортни тўхтатса, Ўзбекистон бозорида картошка танқислиги ва нархларнинг янада кўтарилишига олиб келиши мумкин.
Эслатиб ўтамиз, аввалроқ Қозоғистон ҳам Ўзбекистонга картошка экспортин олти ойга чеклаган эди. Бу эса бозордаги нархларни кескин оширган.
ROST24.uz | Telegram | Facebook
Instagram | YouTube | Tezkor
BY Rost24 | Расмий канал
Share with your friend now:
tgoop.com/rost_24uz/11556