tgoop.com/rost_24uz/11559
Last Update:
Электромобилларга 45-78 млн сўм утилизация йиғими жорий этилмоқда: нархлар ошиши мумкин.
«Электродвигателга эга бўлган транспорт воситалари аккумулятор батареияларини утилизация қилиш инфратузилмасини ташкил этиш ишларини молиялаштириш бўйича қўшимча чора-тадбирлар тўғриси»даги ҳукумат қарори қабул қилинди.
Ҳужжат билан 2025 йил 1 майдан Ўзбекистонда электродвигателга эга транспорт воситалари (ТИФ ТН коди 8703 80) утилизация йиғимлари жорий этилади:
ишлаб чиқарилган муддатидан бошлаб 3 йилдан ортиқ бўлмаган электромобиллар учун БҲМнинг 120 баравари (45 миллион сўм);
ишлаб чиқарилган муддатидан бошлаб 3 йилдан ортиқ бўлган электромобиллар учун БҲМнинг 210 баравари (78,75 миллион сўм).
Иқтисодиёт ва молия вазирлиги Инвестициялар, саноат ва савдо вазирлиги билан биргаликда икки ой муддатда ушбу қарорда белгиланган утилизация йиғимларини йиғиш ҳамда улардан самарали фойдаланиш тартибини ишлаб чиқади.
Қарор мамлакатда «яшил» технологиялардан фойдаланишни кенгайтириш, электромобилларнинг яроқсиз ҳолга келиб қолган батареяларини атроф-муҳитга кескин зарар етказмаган ҳолда утилизация қилишни таъминлаш ҳамда соҳада маҳаллийлаштириш ишларини янада жадаллаштириш мақсадида қабул қилинган.
ROST24.uz | Telegram | Facebook
Instagram | YouTube | Tezkor
BY Rost24 | Расмий канал
Share with your friend now:
tgoop.com/rost_24uz/11559