tgoop.com/rsnweb/24897
Create:
Last Update:
Last Update:
•••••••••••••••®•••••••••••••••
၂၀၂၅ ခုနှစ်၊ စက်တင်ဘာလထဲ ရန်ကုန်တိုင်းအတွင်း အကြမ်းဖက်စစ်တပ်၏ မတရား ဖမ်းဆီးခြင်းခံရသူများအနက် လူ ၁၆၃ ဦး၏ ဖြစ်စဉ်ကို RSN မှ သိရှိခဲ့ရသည်။
▪️ဖမ်းဆီးပြီး နောက်ဆက်တွဲအခြေအနေ
• ဖမ်းဆီးခံရသူ ၁၆၃ ဦးအနက် ၁၀ ဦးကို အကြမ်းဖက်စစ်တပ်မှ ပြန်လွှတ်ပေးခဲ့ကြောင်း သိရပြီး ၂၅ ဦးကို စစ်မှုထမ်းသင်တန်းကျောင်းများနှင့် အကျဉ်းထောင်များသို့ ပို့ဆောင်ခဲ့ကြောင်း သိရသည်။
• ကျန်သည့် ၁၂၈ ဦး၏ ဖမ်းဆီးခံရပြီး နောက်ဆက်တွဲအခြေအနေကိုမူ မသိရှိရသေးပါ။
▪️ဖမ်းဆီးခံရသည့် ပုံစံ
• သတင်းအတိအကျဖြင့် ရှာဖွေ/စောင့်ဆိုင်း ဖမ်းဆီးခြင်းခံခဲ့ရသူ ၂၃ ဦး ရှိသည်။
• ရမ်းသမ်း ဖမ်းဆီးခံခဲ့ရသူ ၆၆ ဦး ရှိပြီး ၎င်းတို့မှာ လမ်းမပေါ်သွားလာနေစဉ် ဖမ်းခံရသူ ၅၄ ဦး၊ ဆိုင်ထိုင်နေစဉ်ဖမ်းဆီးခံရသူ ၈ ဦးနှင့် လမ်းဘေးထိုင်နေစဉ် ဖမ်းခံရသူ ၄ ဦးတို့ ဖြစ်သည်။
• ရှောင်တခင် စစ်ဆေးခံရပြီး ဖမ်းဆီးခံရသူ ၆၆ ဦး ရှိသည်။ ၎င်းတို့အနက် ၄၅ ဦးမှာ သွားလာနေစဉ် ရှောင်တခင်စစ်ဆေးခံရပြီး ဖမ်းဆီးခံခဲ့ရကာ ၂၁ ဦးမှာ ဧည့်စာရင်းစစ်စဉ် ဖမ်းဆီးခံခဲ့ရသူများ ဖြစ်သည်။
▪️ထူးခြား အချက်အလက်များ
• ဖမ်းဆီးခံရသူတို့ထဲတွင် စကမ ရွေးကောက်ပွဲကို နှောင့်ယှက်ဆန့်ကျင်လို့ဟုဆိုကာ ဖမ်းဆီးခံရသူ ၆ ဦး ပါဝင်သည်။ ထို ၆ ဦးကို စကမချန်နယ်မှ ထုတ်ပြန်ကြေညာထားသည်။
• ဆိုရှယ်မီဒီယာပေါ်တွင် အကြမ်းဖက်စစ်တပ်ကို ဝေဖန်လို့ဟုဆိုကာ ဖမ်းဆီးခံရသူ ၂ ဦးနှင့် တော်လှန်ရေး ထောက်ပို့ထီရောင်းချရာတွင် ပါဝင်ကူညီသည်ဟုဆိုကာ ဖမ်းဆီးခံရသူ ၁ ဦး ရှိသည်။ ၃ ဦးလုံး ထုတ်ပြန်ကြေညာခံရသည်။
• စစ်ရေးလှုပ်ရှားရာတွင် ပါဝင်ပက်သတ်သည်ဟူသော စွပ်စွဲချက်ဖြင့် ဖမ်းဆီးခံခဲ့ရသူ ၁၅ ဦး ရှိခဲ့သည်။
• ချုပ်နှောင်ထားသည့်နေရာများမှ ထွက်ပြေးလွတ်မြောက်ခဲ့သူ ၃ ဦး ရှိသည်။
• ရခိုင်လူမျိုး Rap အဆိုတော် ၁ ဦးလည်း ဖမ်းဆီးခံခဲ့ရသည်။
▪️စစ်မှုထမ်းသင်တန်း
• စစ်မှုထမ်း သင်တန်းအတွက် ဖမ်းဆီးခံခဲ့ရသူများအနက် ၁၁ ဦးကိုသာ သတင်းရရှိခဲ့သည်။ ၎င်းတို့အနက် စစ်သင်တန်းကျောင်းပို့ခံခဲ့ရကြောင်း အတည်ပြုသိရသည်မှာ ၉ ဦး ဖြစ်ပြီး ကျန် ၂ ဦး နောက်ဆက်တွဲအခြေအနေကို မသိရှိရပါ။
• စစ်မှုထမ်း အမှတ်စဉ် ၁၇ သင်တန်းကို လှည်းကူးမြို့နယ်ရှိ ဖောင်ကြီး စခတ ၁ နှင့် တိုက်ကြီးမြို့နယ်ရှိ ဂျိုးဖြူ တတက ၁ တို့၌ စက်တင်ဘာလ ၁၅ ရက်နေ့တွင် စတင်ခဲ့ပြီး သင်တန်းသား စုစုပေါင်း ၆၀၀ ဦးခန့် ပါဝင်နေသည်ကို ၎င်းတို့ ထုတ်ပြန်ထားသည့် ဓာတ်ပုံများအရ သိရသည်။
• ရန်ကုန်တိုင်းအတွင်းရှိ အဆိုပါစစ်သင်တန်းကျောင်းများအပြင် ပဲခူးတိုင်း၊ အင်းမ၊ တပ်ရင်း ၃၃ သို့ ပို့ဆောင်ခံလိုက်သူများလည်း ရှိသည်။
▪️အခြားအဖမ်းအဆီးဖြစ်စဉ်များ
• မူးယစ်ဆေးဝါးမှု၊ သက်ငယ်မုဒိန်းမှု၊ သံဃာ အယောင်ဆောင်မှု စသည့် ကိစ္စများဖြင့် ဖမ်းဆီးခံရသူများနှင့် လူပျောက်ဖြစ်စဉ်များလည်း ရှိပြီး ၎င်းတို့ကိုမူ ထည့်သွင်းတွက်ချက်ခြင်း မပြုထားပါ။
• 'ဗုဒ္ဓံ သရဏံ ဂစ္ဆာမိ' စာသားကို ကလပ်၌ DJ သီချင်းလုပ်ပြီး တီးခတ်ခဲ့လို့ဟုဆိုကာလည်း DJ Violet နှင့် မန်နေဂျာဖြစ်သူတို့ကို ဖမ်းဆီးခဲ့သည်။
(ဤအချက်အလက်များသည် RSN သို့ ပေးပို့လာသည့် သတင်းများ၊ ချိတ်ဆက်အဖွဲ့အစည်းများထံမှ သိရှိရသည့်သတင်းများနှင့် မီဒီယာသတင်းများကို ကိုးကား၍ ပြုစုတွက်ချက်ထားခြင်းသာဖြစ်ပြီး လက်တွေ့မြေပြင်အခြေအနေမှာ ဤထက် ဆိုးရွားသည်။)
05 Oct 2025
#arrest #RangoonScoutNetwork
