· ယခု သီတင်းပတ်ထဲ ဗုံးပေါက်ကွဲမှုဖြစ်စဉ် ၂ ခု ရှိခဲ့ကြောင်း မြို့ပြပြောက်ကျားအဖွဲ့များ၏ သတင်းထုတ်ပြန်ချက်များမှ သိရှိရသည်။
· အောက်တိုဘာ ၁၅ ရက် မနက် ၉ နာရီ ၁၀ မိနစ်ခန့်တွင် မင်္ဂလာဒုံမြိုနယ်၊ ခရေပင်လမ်းပေါ်ရှိ အကြမ်းဖက်စစ်တပ်၏ ကြံ့ခိုင်ရေးနှင့် ဖွံဖြိုးရေးပါတီရုံးကို ပစ်မှတ်ထား၍ Yangon Army နှင့် အနောက်ပိုင်းခရိုင် ပကဖ တိုက ပြင်းအားမြင့်မိုင်း ၁ လုံး၊ လက်ပစ်ဗုံး ၂ လုံးတိုဖြင့် ဖောက်ခွဲတိုက်ခိုက်ခဲ့သည်။
· အောက်တိုဘာလ ၁၇ ရက် ည ၆ နာရီ ၅၀ မိနစ်ခန့်တွင် လှည်းကူးမြို့နယ်၊ ဒရယ်ဘိုကျေးရွာရှိ မြို့နယ်ထွေအုပ်ရုံးကို ပစ်မှတ်ထား၍ Yangon Army နှင့် အနောက်ပိုင်းခရိုင်ပကဖ တို့မှ ပြင်းအားမြင့်မိုင်း ၁ လုံး၊ လက်ပစ်ံဗုံး ၂ လုံးတို့ဖြင့် ပစ်ခတ်တိုက်ခိုက်ခဲ့သည်။

· ယခု ရက်သတ္တပတ်ထဲ မတရား ဖမ်းဆီးခံခဲ့ရသူတို့အနက် မြို့နယ် ၈ မြို့နယ်တို့မှ လူ ၁၈ ဦး၏ ဖြစ်စဉ်ကို သိရှိလိုက်ရသည်။
· မရမ်းကုန်း။ သာကေတ၊ ဗိုလ်တစ်ထောင်၊ ပုဇွန်တောင်၊ ကမာရွတ်၊ မြောက်ဒဂုံ၊ ရွှေပြည်သာနှင့် ကြည့်မြင်တိုင်မြို့နယ်တို့၌ ဖမ်းဆီးခံခဲ့ကြရခြင်းဖြစ်သည်။
· လမ်းမပေါ်သွားလာနေစဉ် ဖမ်းဆီးခံရသူ ၁၅ ဦးနှင့် ဧည့်စစ်ပြီး ဖမ်းဆီးခံရသူ ၃ ဦးတို့ ပါဝင်သည်။

· အင်းစိန်ထောင်တွင် နှစ်ကြီးပြစ်ဒဏ်ကျခံထားရသည့် နိုင်ငံရေးအကျဉ်းသားတချို့ကို ထောင်ဝန်ထမ်းများက အိပ်ဆောင်မှ ဆွဲထုတ်၍ ခြေချင်းခတ်ပြီး ရိုက်နှက်နှိပ်စက်နေကြောင်း DVB သတင်းဌာနမှ သိရှိရသည်။
· စက်တင်ဘာလကစ၍ ရိုက်နှက်နေခြင်းဖြစ်ပြီး မကွေးထောင်ကနေ ပြောင်းလာသည့် နှစ်ကြီးသမားများကို ပစ်မှတ်ထား နှိပ်စက်နေခြင်းဖြစ်ကြောင်း သိရသည်။
· ERO အဖွဲ့နှင့် တော်လှန်ရေးအဖွဲ့များမှ ဖမ်းဆီးခံလူငယ်များကိုလည်း မကြာခဏခေါ်ထုတ်ပြီး နှိပ်စက်ရိုက်နှက်နေသည်။
· ဒီဇင်ဘာလတွင်းလုပ်မည့် စကမ ရွေးကောက်ပွဲတွင် ကြိုတင်မဲထည့်ဖို့အတွက်လည်း ထောင်သားများကို ဖိအားပေးခိုင်းစေနေသည်။ မထည့်သူများကို တိုက်ပိတ်မည့်အပြင် ထောင်တွင်းပြစ်ဒဏ်များလည်း ပေးမည်ဟု ခြိမ်းခြောက်နေကြောင်း သိရသည်။

· အကြမ်းဖက်စစ်ခေါင်းဆောင် မင်းအောင်လှိုင် အောက်တိုဘာလ ၁၇ ရက်နေ့ ညနေတွင် ရန်ကုန်မြို့သို့ ရောက်ရှိလာပြီး ဒဂုံမြို့နယ်ရှိ အမျိုးသားဇာတ်ရုံသို့ ရောက်ရှိလာခဲ့ကြောင်း စကမ သတင်းချန်နယ်မှ သိရှိရသည်။ ဒီပါဝလီအထိမ်းအမှတ် အခမ်းအနား လာတက်သည်ဟု ဆိုသည်။ ကြူကြူလှပါ ပါသည်။
· ၎င်းလာဖို့ရှိသည့်အတွက် အမျိုးသားဇာတ်ရုံဝန်းကျင်နှင့် အနီးရှိ မင်းမနိုင်အိမ်ရာဝန်းတဝိုက်၌ အောက်တိုဘာ ၁၆ ရက်နေ့ကတည်းက အကြမ်းဖက်တပ်သား အများအပြား လုံခြုံရေးချထားခဲ့သည်။
· ထို့နောက် အောက်တိုဘာလ ၁၈ ရက်နေ့တွင် မင်းအောင်လှိုင် ကိုကိုးကျွန်းသို့ ရောက်သွားပြီး အောက်တိုဘာ ၁၉ ရက်နေ့တွင် ရန်ကုန်မြို့ထဲ ပြန်ဝင်လာကာ ဧရာဝတီတိုင်း၊ ပုသိမ်မြို့ဘက်သို့ ထွက်သွားကြောင်း သိရသည်။