tgoop.com/sewDtXQAw_s4RqA/5186
Last Update:
رايحين امودعين وبالسلامه
رايحين ماعفت كل اليتامه
رايحين والملامه اجر ملامه
……
من عله ضهر الهوازل ودعت زينب اهلها
الشابگ ابصدره الترابه شلون يگدر يوگفلها
سكته وهواي السوالف بين العيون التهلها
مرت ابين الذبايح والهوه شگد سولفلها
مسافرين وصفنت الميت بواچي
مسافرين وعفنه بالغربه التراچي
مسافرين. وروحي وياكم حمامه
رايحين امودعين وبالسلامه
….
مرو ابكل الضحايا ومامشينه اعله الشريعه
بعده بذني صوته يفتر ادللي خويه الوديعه
ارجع وجايبلي صوغه حته لو چفي گطيعه
ساعه ماابطي واردلچ واگلب ابچفي الوسيعه
لاتجين. ايگلي يازينب ورانه
لاتجين. كلمن امبين مكانه
لاتجين. احمي نسوانه وخيامه
رايحين. امودعين وبالسلامه
…..
بيش اجينه وبيش اردن چلمت المامش تعال
ياهو اليصعدني بيده هزله ياخويه الجمال
والطفال الماعرفها چنها مو ذيچ الطفال
شدو احبال بأيديهم ونامو ابحر الرمال
سالمين. واحنه وياكم اجينه
سالمين. فنه اليچتف ادينه
سالمين. كل خلگ يعرف مرامه
رايحين. امودعين وبالسلامه
…… ..
خويه غصبن ركبونه والشمر هوه الحدانه
يندل حسين وتعمد مرنه كلش يم مكانه
غلطت الشامت فصاحه حچي المجاسر خذانه
وين الحچايه الثگيله خويه بعدك. سمعانه
سامعين. كل كلام المااگوله
سامعين. من هذوله ومن هذوله
سامعين. والشمر يجرح كلامه
رايحين. امودعين وبالسلامه
…… ..
تعاين اعلينه الاعادي حرمه والعسكر غزاها
طايح حسين وعياله تاهت ومحد لگاها
طفله وتنادي اعله ابوها تركض ونار الوراها
منين اجيب المايجينه خاطر ايحامي گفاها
راحلين.. وانتو عالغبره ضحايه
راحلين. مبينه قصتي من البدايه
راحلين.. والگلب باقي بغرامه
رايحين.. مودعين وبالسلامه
………
علي الحاج الصبيحاوي
ذمه اليمسح رابط القنات
قناة الناعي ملا يوسف العبودي
جبت العمر نختار بس الونين
السود الحزن والأبيض جفانه 07712251217
https://www.tgoop.com/sewDtXQAw_s4RqA.
BY قناة الناعي ملا يوسف العبودي
Share with your friend now:
tgoop.com/sewDtXQAw_s4RqA/5186