tgoop.com/sheriylahzalar/8967
Last Update:
☆☆☆
Bir kun ufq qonin ichgan yuragimga,
Yaratguvchi malaklardan yo'llasa tin.
Mendan avval nima bo'lsa bo'ldi ammo..
Ich-ichimdan bezovtaman:
Mendan keyin...
Yig'laysizmi?
Yig'laysizmi? Sahrolarning
Ming yil qilgan ibodatin javobidek!
O'ksib-o'ksib silaysizmi ko'zlarimni,
Bir halolning
Haloliga tavofidek...
Mendan keyin..
Ucholsa ham qanotingiz,
O'zga havo, o'zga osmon topmaysizmi?
Saratonga tutib berib yelkangizni,
Hislaringiz qahratonda toblaysizmi?
Mendan keyin..
Kulgularga ko'z tegarmi?
Loshingizni eltasizmi g'am tog'iga?
Chirog'imni yoqmasa ham qo'llaringiz,
Yo'llaringiz tushadimi tuprog'imga?
Men avvaldan rozi edim qismatimdan,
Qulluq qilib yashayverdim, isyonsiz, chin!
Qoldirganim:
Muhabbatdir,
Musibatdir!
Xudo sizdan rozi bo'lsin, mendan keyin..
Xudo bizdan rozi bo'lsin, mendan keyin..
✍U. Hasanxojayeva
@sheriylahzalar
BY She’riy lahzalar
Share with your friend now:
tgoop.com/sheriylahzalar/8967