tgoop.com/smail74/724
Create:
Last Update:
Last Update:
با بێن
با بێنە پێشوازتەوە رۆژە خۆشەکان
با فەرشت بۆ رابخەن
فەرشی سوور
بەفری سوور با ببارێ و
ئەم وەرزە قایمتر بکات
ئێمە بووین بەڵام
ئێمە ئەو تووەمان چاند
ئێمە ئەو وەرزەمان روواند
ئێمە ئەو فەرشەمان چنیەوە
با بێن
با بێنە پێشوازتەوە رۆژە خۆشەکان
ئێمە بووین هەڵمەتی ئەم شەوە نەگریسەمان بڕی
ئێمە بووین
بە ژن و مێردەوە
چووینە نێو دەمی ئەو ئەژدیها و
مەشخەڵی ئازادی ئێمە بووین هەڵمانکرد
با بێن
با بێنە پێشوازتەوە رۆژە خۆشەکان
ئێمە بۆ هەزاران ساڵە
تەنیا کوتەکی ئەو دەستەین
تەنیا ئامرازی شۆڕشین
هەر شۆڕش بوو کە کردمان و
هەر کاوە بووین
هەر چاندمان و
لە وەرزی دروێنەدا
ئەوەی نەبوو
هەر ئێمە بووین...
با بێن
با بێنە پێشوازتەوە رۆژە خۆشەکان
با فەرشت بۆ رابخەن
فەرشی سوور
بەفری سوور با ببارێ و
ئەم وەرزە قایمتر بکات...
@smail74
BY سمایل عەزەمی
Share with your friend now:
tgoop.com/smail74/724