Выйшаў артыкул архітэктара Андрэя Шулаева, дзе ён робіць спробу ў тым ліку рэканструяваць арыгінальны выгляд ляпных аконных ліштваў Смальянскага замка. Акрамя вядомага картуша, які мае шмат агульнага з камінам у вежы Гальшанскага замка, аказваецца, на суседняй сцяне захавалася частка аконнага праёма з фрагментамі аналагічна дэкору. Таксама па малюнку Пешкі вядома, што і іншыя вокны былі дэкараваны так. Сумяшчаючы дзве гэтыя крыніцы, архітэктар робіць гіпатэтычную рэканструкцыю выгляду абрамленняў.

Пасля серыі нашых публікацый пра маньерысцкую арнаментыку, прыемна бачаць, што згадкі страпворк, кабашоны і раўты знайшліся ў свежым артыкуле пра беларускую архітэктуру.

#Смальяны #дэкор #маньерызм #замкі