tgoop.com/ssrgk/19008
Last Update:
قصيدة لمولاي موسى الكاظم عليه السلام
~
المهدي اعله جده ذب العمامه
مجروح الكلب عينوه يخدامه
تعنه الكاظميه
ينعه ابن الزچيه
شيلوها البيارغ سود جدامه
🏴🏴🏴🏴🏴🏴🏴🏴🏴
شيلوها البيارغ ومشوه وياه
ابن العسكري مهضوم ويلاه
ينادي يالغريب الذايب اچلاه
منهم أخذ الثار
وحق جدي الكرار
واعيد الماضي والحاضر و ايامه
ام✍🏻 زين العابدين لمحمداويه
=============
ذباها العمامه ودگ على الهام
گوموا عالجسر عينوا يخدام
جيبوله نعش واتحزموا احزام
ارفعوها السلاسل
منـها حيله ناحـل
وجيبوها اعله نعشه تلطم ايتامه
✍زينب الواسطي
=============
ايتامه بمناحه اتنوح هاليوم
وتبجي اعله الغريب المات مسموم
نعازي المنتظر عالسمته الكوم
نصيح بحسره واهات
عالمات بمظلمات
مسموم ويون كل ليله مانامه
✍️ام احمد الهاشمي
=============
عينو المهدي هالليله يشيعه
ونوحو اويـاه ابهاي الفجيعه
عالمسموم واسو امه الوديعه
تون وضلع محني
تصيح بصوت يبني
اجت من المدينه ابروح محتامه
✍️ سهام علي المالكي
=============
وآسو المنتظر بالراهب الليله
يلا وياه صوب المگبره نشيله
وما كفى العدو ماردله ادليله
بذل عليه ناده
وسف ابن الحياده
وين اليعتني ويخبر اعَمامه
✍🏻العلوية أم منتظر جمال الدين
=============
خبروهم عمامه تحضر ابساع
ابن جعفر كضه يا نسل السباع
نادو المنتظر وبگلب ملتاع
وين اهله الشجعان
عليه تلحك الريسان
هدت عل جسر كل اهله و ازلامه
ام ✍🏻رحمه الگاظميه
ـــــــــــــــــــــــــــــــــــــــــ
ــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 23/ رجب / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره
https://www.tgoop.com/ssrgk
BY خادمة السيده رقيه بنت الامام الحسين ( ع) الشاعرة سهام المالكي
Share with your friend now:
tgoop.com/ssrgk/19008