tgoop.com/ssrgk/19012
Last Update:
فزاعيه للامام الكاظم عليه السلام
الشيعه محزمه طبت عراضات
للكاظم اجـــــت شالتله رايات
✧✦✧✦▪✧✦✧✦
تواسي الحجه بس بدمه العين
كلـــها مكـــــــدره لبن الميامين
ابــــن امأسس الحوزات للدين
زلم تنگـــــط مراجل بالكلافات
الشيعه محزمه طلعت عراضات
✍طالبةالزهراء
✧✦✧✦▪✧✦✧✦
زلم عد الكلافه شاده احــزام
اجــت للكاظميه وشايله اعـلام
وتشيع نعش موسى على الهـام
دخلت للصحن تصــرخ ابعبرات
الشيعه امحزمه طلعت عراضات
✍️ سهام علي المالكي
✧✦✧✦▪✧✦✧✦
تصرخ يالولي سموك الـــــــــوغاد
وسفه وحيف يــا معروف الجداد
الشيعه اليـوم كلها نصبت احــداد
تصيح ابصوت وسفه وتهل دمعات
الشيعه محزمه طلعت عراضات
ام✍🏻 رحمه الگاظميه
✧✦✧✦▪✧✦✧✦
يرجــــــــال الكلافه واجب ادگوم
لامـــــــام الرافضيه تگصدت اليوم
تواسي ابن الحسن عالمات مسموم
يستاهل عـراضه وبيها هوسات
الشيعه امحزمه طلعت عراضات
✍️العلويه الاء
✧✦✧✦▪✧✦✧✦
الليله الكاظمية علنت احــداد
حزنانة وتنوح اعله اسد بغداد
لايمـة عمامه ولا الــــــــــويـلاد
على امصابه تون ارض وسماوات
الشيعه امحزمة طلعت عراضات
✍خادمة الزهراء
الشاعرة هالي نور
✧✦✧✦▪✧✦✧✦
يستاهل عراضة وبيرغ انشيل
يستاهل لطمنه وهدمت الحيل
ندك اصدورنه والمدمــع انسيل
ندگ اصدورنه وندگـله هامات
الشيعه محزمه طلعت عراضات
✍ام خضير المهدويه
✧✦✧✦▪✧✦✧✦
تمت القصيده باقلام شاعرات رابطه
#قرابين الطف
اللهم عجل لوليك الفرج يا صاحب الزمان مدد
https://www.tgoop.com/ssrgk
BY خادمة السيده رقيه بنت الامام الحسين ( ع) الشاعرة سهام المالكي
Share with your friend now:
tgoop.com/ssrgk/19012