tgoop.com/talim_ber/73
Last Update:
"Suratdagi haqiqatlar" yoxud "Bir o'quvchimning hikoyasi"
Real voqeaga asoslangan
Qabulimga bir o‘quvchini olib kelishdi. Atrofdagilarning aytishicha, uning "aybi" – urishqoq, dars qilishni yoqtirmaydi, yolg‘onchi, qaysar va hokazo...
Men esa uning ko‘zlariga qaradim. Mo‘ltirab turgan, gapirmasidan ham ko‘zlari yoshga to‘lib ketgan bola edi...
🖌 "Oilangning rasmini chizib ber" – dedim.
Va u mana shu yuqoridagi rasmni chizdi...
🖼 Rasmning izohi:
• Bola onasini – uy ko‘rinishidagi qamoqxona shaklida tasvirladi.
• Qamoqxona ichida ikkita polapon qushcha bor: ucholmaydigan, tashqariga chiqolmaydigan, erksiz...
• Tashqarida esa otasi – bo‘yinturuq ip o‘tkazilgan qush shaklida chizilgan. Ish qushning bo‘ynidan ip o‘tkazib, hech qayerga qo‘yib yubormayapti.
• Ota qush bolalar tomonga emas, ish tomonga qaragan. Oila bilan orasi uzoq...
Asl haqiqat:
Er-xotin ajrim yoqasida. Er xotiniga, ayol esa farzandlariga jismoniy zo‘ravonlik qiladi. Ayol farzandlarining otasidan alamzada. Bolaning chizgan rasmi go‘yo shunday derdi:
"Qalbimda qattiq og‘riq bor. Unga tega ko‘rmang. Aks holda o‘zimga javob bera olmayman..."
Shunda men o‘quvchining nega darslari pasayib ketgani va nega urishqoq bo‘lib qolganini tushundim...
Hurmatli ustozlar!
Aslida siz o‘ylaganchalik, ta’rif berganchalik "urishqoq bolalar" yomon emas!
Ularning ichidagi og‘riq yomon!
O‘quvchi qachon qo‘pollashadi, dag‘allashadi, agressivlashadi?
Qachonki, himoyalanganlikka bo‘lgan eng birinchi psixologik ehtiyoji qondirilmasa!
Agressiv bolalar bilan qanday muomala qilish kerak?
1. Kuchli emotsiya vaqtida, imkoningiz bo‘lsa, o‘quvchini o‘z bolangizdek bag‘ringizga bosing. Miya va tana himoyalanganlik mexanizmini sezsa, tinchlanadi.
2. O‘quvchiga suv ichiring. Suv miya faoliyatini tinchlantirish xususiyatiga ega.
3. O‘ziga yoki atrofdagilarga jabr yetkazish xavfi bo‘lsa, yaxshi gap bilan uni chetroqqa olib chiqing. Tinchlangach gaplashing, ammo holatini kamsitmang, qo‘rqitmang!
Aslo! O‘zingiz agressiyaning provokatsiyasiga aylanmang!
Haqiqiy pedagog bo‘lish uchun faqat bilim va o‘qitish metodikalarini bilish kamlik qiladi. Chunki bolalarga bo‘lgan chinakam muhabbat – ustozning eng muhim va asosiy sifatlaridan biridir.
Rahimov School psixologi Gulnoza Nazarova
BY Ta'lim bering
Share with your friend now:
tgoop.com/talim_ber/73