Tamim’s

🔹اكو اثنين يحبّون يمشون سوة دائماً ، واحد مرتبط بالثاني ؛ الاول اسمه "المفهوم" و الثاني اسمه "المصداق" .

المفهوم شنو ؟ يعني أوصاف أو شروط معينة على اساسها تلگة مصداق الها .
ما فهمت ؟ بسيطة

مثلاً : الإنسان ( هو الكائن الذي يسير على قدمين بإنتصاب و يمتلك ذراعين ..الخ) هذا مفهوم الإنسان ، تمام ؟
من تشوف بالشارع شخص يمشي على اثنين رجلين و عنده ايدين راح تگول هذا "مصداق" للإنسان .

بعد مثال : الدولة (هي شعب و سلطة و إقليم ) هذا مفهوم الدولة ، مصداق الدولة منو ؟ العراق ، سوريا ، الأردن ..الخ ؛ لأن كلهم عدهم شعب و سلطة وإقليم .

🔹فإذاً نحصل نتيجة : اذا ماكو "مفهوم" محدد متگدر تخلي "مصداق" ، اذا ماكو مفهوم واضح للدولة متگدر تگول العراق او سوريا او الاردن دولة ؛ لأن راح اجي اسألك (هو شنو يعني دولة ) .

لهنا تمام ..تعال وياي هسة

🔹اذا اجمع خمس أشخاص لا على التعيين و أسألهم عن مفهوم الوطنية ، كل واحد راح يجاوب شكل ، و نفسهم اذا أسألهم عن مفهوم الذيولية او التبعية هم كل واحد يجاوب شكل .
لهذا إذا ماكو إتفاق على "مفاهيم" محددة واضحة لا تصير قوي و تطلق أحكام و تنطي "مصاديق" على شي اصلاً ما مُتفق عليه ، ليش ؟

لأن سرعان ما راح تغيّر رأيك بأقل حجة دامغة و لأن راح تكول على الوطني ذيل و عميل و راح تگول على لاحسي الدولار والتومان وطنيين مخلصين ! و تاليها شنو ؟ تحسها شبچت عندك و تدوخ بعدما انطيت للناس اقل او اكثر مما تستحق ..


@tamimali98

www.tgoop.com/tamimali98/585

751 viewsedited  Sep 10, 2020 at 16:09

🔹اكو اثنين يحبّون يمشون سوة دائماً ، واحد مرتبط بالثاني ؛ الاول اسمه "المفهوم" و الثاني اسمه "المصداق" .

المفهوم شنو ؟ يعني أوصاف أو شروط معينة على اساسها تلگة مصداق الها .
ما فهمت ؟ بسيطة

مثلاً : الإنسان ( هو الكائن الذي يسير على قدمين بإنتصاب و يمتلك ذراعين ..الخ) هذا مفهوم الإنسان ، تمام ؟
من تشوف بالشارع شخص يمشي على اثنين رجلين و عنده ايدين راح تگول هذا "مصداق" للإنسان .

بعد مثال : الدولة (هي شعب و سلطة و إقليم ) هذا مفهوم الدولة ، مصداق الدولة منو ؟ العراق ، سوريا ، الأردن ..الخ ؛ لأن كلهم عدهم شعب و سلطة وإقليم .

🔹فإذاً نحصل نتيجة : اذا ماكو "مفهوم" محدد متگدر تخلي "مصداق" ، اذا ماكو مفهوم واضح للدولة متگدر تگول العراق او سوريا او الاردن دولة ؛ لأن راح اجي اسألك (هو شنو يعني دولة ) .

لهنا تمام ..تعال وياي هسة

🔹اذا اجمع خمس أشخاص لا على التعيين و أسألهم عن مفهوم الوطنية ، كل واحد راح يجاوب شكل ، و نفسهم اذا أسألهم عن مفهوم الذيولية او التبعية هم كل واحد يجاوب شكل .
لهذا إذا ماكو إتفاق على "مفاهيم" محددة واضحة لا تصير قوي و تطلق أحكام و تنطي "مصاديق" على شي اصلاً ما مُتفق عليه ، ليش ؟

لأن سرعان ما راح تغيّر رأيك بأقل حجة دامغة و لأن راح تكول على الوطني ذيل و عميل و راح تگول على لاحسي الدولار والتومان وطنيين مخلصين ! و تاليها شنو ؟ تحسها شبچت عندك و تدوخ بعدما انطيت للناس اقل او اكثر مما تستحق ..


@tamimali98

BY Tamim’s