Tamim’s

سلبيين وي كلشي ، اغلب تعاطينا وي الأمور سلبي ..جرب اخذ مايك و كامرة و انزل للشارع و اسأل الناس واحد واحد "شنو تريد ؟ " ، غالباً ما راح يبدي جوابه ب "أريد كذا" لا ، راح يگلك "ماريد فساد ،ماريد ظلم ، ماريد خوف"

راح يبدي جوابه بالرفض ، بالسلبية ، مكان ما يكلك مثلاً "اريد نزاهة ، اريد عدل ، اريد امان" ، التعامل سلبي .

نتبنى توجهات سياسية و فكرية مو لأن بيها حظ و ممتازة ، لا انما لأن معاكسة لتوجهات سياسية و فكرية ثانية تعبانة : يعني ندعم العلمانية لأن الاسلاميين مو خوش اوادم ، مو لأن العلمانية زينة ! ندافع عن ايران لأن امريكا مو زينة مو لأن ايران زينة !

تعاطينا سلبي ، واحدنا يريد امريكا تخلصه من ايران مو لان امريكا زينة بس لان ايران مو زينة ، ما ندعم فلسطين مو لانها مو خوش قضية ، لا انما لأن ايران متبنية هالشي فاحنا ضد ايران !

تعاطينا سلبي وي الامور ، ما نفكر بالافضل ، نفكر بالاقل سوء !
هذا نتاج عُقد نفسية و مغالطات و جهل ، لازم ننتبه كلش زين ، لازم يكون تعاملنا ايجابي و مبني على شي واضح و حقيقي و اصيل ، مو مبني على تخيلات او على انقاض الآخر

نتبنى توجه لأنه صح ، مو لأنه التوجه المعاكس طايحظه ، نترك قضايا لأنها خطأ مو لأنه الاطراف اللي ما نحبها تدعمها .. وهكذا .

@tamimali98

www.tgoop.com/tamimali98/604

603 viewsSep 20, 2020 at 17:39

سلبيين وي كلشي ، اغلب تعاطينا وي الأمور سلبي ..جرب اخذ مايك و كامرة و انزل للشارع و اسأل الناس واحد واحد "شنو تريد ؟ " ، غالباً ما راح يبدي جوابه ب "أريد كذا" لا ، راح يگلك "ماريد فساد ،ماريد ظلم ، ماريد خوف"

راح يبدي جوابه بالرفض ، بالسلبية ، مكان ما يكلك مثلاً "اريد نزاهة ، اريد عدل ، اريد امان" ، التعامل سلبي .

نتبنى توجهات سياسية و فكرية مو لأن بيها حظ و ممتازة ، لا انما لأن معاكسة لتوجهات سياسية و فكرية ثانية تعبانة : يعني ندعم العلمانية لأن الاسلاميين مو خوش اوادم ، مو لأن العلمانية زينة ! ندافع عن ايران لأن امريكا مو زينة مو لأن ايران زينة !

تعاطينا سلبي ، واحدنا يريد امريكا تخلصه من ايران مو لان امريكا زينة بس لان ايران مو زينة ، ما ندعم فلسطين مو لانها مو خوش قضية ، لا انما لأن ايران متبنية هالشي فاحنا ضد ايران !

تعاطينا سلبي وي الامور ، ما نفكر بالافضل ، نفكر بالاقل سوء !
هذا نتاج عُقد نفسية و مغالطات و جهل ، لازم ننتبه كلش زين ، لازم يكون تعاملنا ايجابي و مبني على شي واضح و حقيقي و اصيل ، مو مبني على تخيلات او على انقاض الآخر

نتبنى توجه لأنه صح ، مو لأنه التوجه المعاكس طايحظه ، نترك قضايا لأنها خطأ مو لأنه الاطراف اللي ما نحبها تدعمها .. وهكذا .

@tamimali98

BY Tamim’s