tgoop.com/the_bakiroo/8387
Last Update:
Муаммо ечилдими?
2030 йил 1 январгача паррандачилик маҳсулотлари ишлаб чиқарувчи тадбиркорлик субъектлари юридик шахслардан олинадиган ер солиғини (экин майдонларидан ташқари) тўлашдан озод этилиши эълон қилинди.
2024 йилда чорвачилик ва паррандачилик билан машғул фермер хўжаликларига ажратилган майдонларининг тоифаси ўзгаргани учун ер солиғи тўловларини кескин ошиши муаммоси пайдо бўлган эди.
Бир қарашда, паррандачилар учун бу муаммо ечилгандек кўринади, лекин имтиёзларга қарши кураш ва тенг имкониятлар яратиш фонида, айниқса, совитилган ёки музлатилган уй паррандаси гўшти ва қўшимча озуқабоп маҳсулотларини Ўзбекистон ҳудудига олиб киришда белгиланган божхона божи бўйича берилган имтиёз, парранда гўштини (ТИФ ТН коди 0207) экспорт қилишда мавжуд барча чекловлар бекор қилиниши акс этган қарорда яна битта имтиёзнинг туғилиши узвийликни пасайтиргандек. Яъни солиқ имтиёзи бериш ўрнига, ер тоифаси билан боғлиқ эски статус квони қайтариш кифоя эди, назаримизда
Нима бўлгандаям, ҳали ер солиғининг кескин ортиши билан боғлиқ ҳолат чорвачилик хўжаликларига нисбатан сақланиб қолмоқда.
BY bakiroo
Share with your friend now:
tgoop.com/the_bakiroo/8387