tgoop.com/the_bakiroo/8393
Last Update:
"IT свет ўчган жойда тугайди"
Бугунги учрашувда IT тадбиркор Абдуқаҳҳор Тошмуҳамедовнинг чиқиши қарор қабул қилувчиларнинг эътиборидан четда қолмаслиги керак.
Биринчидан, тадбиркор ёрдам сўрамаяпти. Ўзбек чиновниклари буни алоҳида эслаб қолиши керак. Ҳақиқий ўзбек тадбиркорларига сизлардан ёрдам керак эмас, ҳалақит қилмасангиз, шунинг ўзи кифоя.
Иккинчидан, тадбиркор берган таклифлари бир ўзи учун эмас, бутун соҳа ривожи учун ва бу қонунчиликда ўзгартиришларни талаб қилади. Афсуски, ўзбек парламентида ўзбек бизнесининг, айниқса кичик ва ўрта бизнеснинг вакиллиги мавжуд эмас.
Учинчидан, тадбиркор жонли эфирда ўзбек бизнеси учун энергетик кризис қанчалар оғир кулфатга айланганини очиқ айта олди (кейин унга муаммолар туғилиши мумкинлигини билган ҳолда). "IT свет ўчган жойда тугайди" дейилган диагнозни шонли энергетикларимиз ҳар куни эслаб туриш учун, бир-бирининг пешонасига ёзиб олишлари керак (1:31:50 дақиқадан бошлаб кўринг). Тадбиркор, шунингдек, тижорий тарифларга қарамай, кунига 3-4 соат свет ўчиши, бунинг учун шонли энергетикларда ҳеч қандай молиявий жавобгарлик йўқлигига эътибор қаратган.
Эсингизда бўлса, оддий таъминотни эплай олмаётган шонли энергетиклар бизнесга нисбатан оширилган коэффициентларни қўлламоқчи эканлиги ҳақида ёзгандик.
Шу ўринда, уларга қайтариб эслатамиз, бизнесга лимит доирасида етказиб берилмаган, ўчирилган свет ва газ учун ҳам улар 2 карра оширилган қийматда жарима тўланиши керак.
BY bakiroo
Share with your friend now:
tgoop.com/the_bakiroo/8393