#Seminar

Korrupsiya jamiyatni iskanjaga oladigan zararli illat. U davlat, iqtisodiyot rivoji, chinakam qulay tadbirkorlik va investitsiya muhitiga salbiy taʼsir ko‘rsatadigan eng asosiy to‘siqlardan biridir.

   9 dekabr – Butunjahon korrupsiyaga qarshi kurashish kuniga bag‘ishlangan “Aksilkorrupsiya oyligi” doirasida Ohangaron shahar hokimligida korxona va tashkilotlar rahbarlari, “mahalla yettiligi” aʼzolari  ishtirokida seminar-trening o‘tkazildi.

 Shahar adliya bo‘limi xodimlari tomonidan jamiyatda korrupsiyaga nisbatan murosasiz munosabatni qaror toptirish o‘ta dolzarb masala ekanligi, garchi uni bajarish doirasida masʼul idoralar belgilangan bo‘lsa-da, uning to‘laqonli ro‘yobga chiqishi uchun har bir inson o‘zida masʼuliyatni his  etishi lozimligi yuzasidan fikr-mulohazalar bildirildi. Shuningdek, korrupsiya sohasidagi qonunchilikdagi yangiliklari yuzasidan huquqiy tushuntirishlar berildi.

Кanalga ulanish👇👇👇
https://www.tgoop.com/toshkentviladliya

#Sayyor_qabul

Toshkent viloyati huquqni muhofaza qiluvchi organlari rahbarlari tomonidan Olmaliq shahar “Metallurg” madaniyat saroyida fuqarolar hamda tadbirkorlar uchun ommaviy sayyor qabul o‘tkazildi.

 Unda aholi bilan bevosita ochiq muloqot qilish, mavjud muammolarni aniqlash hamda ularni joyida bartaraf etishga alohida eʼtibor qaratildi. Tadbir davomida aholi va tadbirkorlarning murojaatlari atroflicha o‘rganilib, huquqiy tushuntirishlar berilishi taʼminlandi.

Кanalga ulanish👇👇👇
https://www.tgoop.com/toshkentviladliya

#Jarayon

Korrupsiyaga qarshi birgalikda kurashamiz  

Bekobod shahar adliya bo‘limi va  Bekobod shahar Milliy gvardiya bo‘limi xodimlari ishtirokida “Korrupsiyaga qarshi birgalikda kurashamiz” mavzusida  yuqori sinf o‘quvchilari ishtirokida davra suhbati o‘tkazildi.

 Davra suhbatida o‘quvchilarga korrupsiya xavfining oldini olish va unga qarshi kurashish borasida yurtimizda keng qamrovli ishlar amalga oshirilganligi, xususan, korrupsiyaning oldini olish bilan bog‘liq qonunchilik bazasini mustahkamlashga qaratilgan Byudjet kodeksi, “Huquqbuzarliklar profilaktikasi to‘g‘risida”, “Ijtimoiy sheriklik to‘g‘risida”, “Davlat hokimiyati va boshqaruvi organlari faoliyatining ochiqligi to‘g‘risida”, “Elektron hukumat to‘g‘risida” va “Parlament nazorati to‘g‘risida”gi qonunlar qabul qilinganligi  to‘g‘risida huquqiy maʼlumotlar berildi. 

  Tadbir yakunida ishtirokchilar o‘zlarini qiziqtirgan savollariga batafsil javob olishdi.

Кanalga ulanish👇👇👇
https://www.tgoop.com/toshkentviladliya

#Jarayon

Aholiga sifatli va xavfsiz jamoat transporti xizmati ko‘rsatiladi

Yurtimizda aholiga avtotransport xizmati ko‘rsatishni yaxshilash, yo‘nalishlari tarmog‘ini kengaytirish va harakat tarkibini zamonaviy, ekologik toza avtobuslar bilan yangilash borasida keng ko‘lamli ishlar amalga oshirilmoqda.

Nurafshon shahar jamoat transportining yangi yo‘nalishlari tarmog‘ini yo‘lga qo‘yish, shahar hududida aholi va mehmonlar uchun sifatli va xavfsiz jamoat transporti xizmatini ko‘rsatish maqsadida shahar hokimligi muassisligida “Nurafshon jamoat transporti” MCHJ tashkil qilindi.

Mazkur MCHJni davlat ro‘yxatidan o‘tkazilganligi to‘g‘risidagi  guvohnoma shahar adliya bo‘limi va Davlat xizmatlari markazi tomonidan  Nurafshon shahar hokimi Ilhom Qilichxonovga   topshirildi.

 Yangi tashkil etilgan “Nurafshon jamoat transporti” MCHJning asosiy vazifasi zamonaviy yo‘lovchi tashish transporti orqali aholiga sifatli va xavfsiz xizmat ko‘rsatishdan iborat.

Кanalga ulanish👇👇👇
https://www.tgoop.com/toshkentviladliya