tgoop.com/um_ali313/18443
Last Update:
قصيدة لأم البنين والحسين
على طور شال الشهيد حسين
#من_ديوان #مواجع_أم_البنين_الجزء_الأول
{أم البنين تصيح }
ام البنين تصيح يحسين يايمه
من روحتك لليوم كلبي كثر همه
•───✧◐◐✧───•
ماشفت راحه اولا عشت ابهنا ايامي
خلصت عمري اونين غركانه بحلامي
كل يوم اكول تعود يوليدي يالضامي
حزنانه يبني عليك وزاد الكلب هظمه
•───✧◐◐✧───•
كرب الموت اوياي وحسين اريدنه
بأخر انفاسي كون صوتـه اسمعنــه
يحظرني وكت الموت يمي اشوفنه
لو شفته شوف العين ختغمض وتعمه
•───✧◐◐✧───•
هاي انه أبچي بنوح مختنكه بالعبره
واعميت عيني اعليه يالكسرو صدره
اربع ولد ضحيت لخاطر يظل نحره
تالي ولا واحد منهم سلم دمـــه
•───✧◐◐✧───•
واليله اجاني الموت واولادي مو يمي
محد حظر منهم وفراكهم يعمي
من يوم غيبتهم ولدي كثر همي
وكت المنيه وكون يحظروني بالهمه
•───✧◐◐✧───•
جسمي نحل هاليوم مابيه اشيلنه
وين العزيز حسين وبموتي اريدنه
احاه يوكت الراح چابيش اعوضنه
چنت بزهيه وياه وما احسن بغمه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
https://www.tgoop.com/um_ali313
BY الشاعرة والمله ام علي الإماره
Share with your friend now:
tgoop.com/um_ali313/18443