tgoop.com/um_ali313/18455
Last Update:
#جديد هوسات جنوبيه 🔥🔥
لسفرة ام البنين للحوائج
باب أم الكرم بالشده ادكنه
وادريها تفتحه وماتعطلنـه
وتنطينه النريده وماتفشلنه
من أچفوف اديها دوم تكرمنه
{ يهاي معدله وكلنه نخيناها }
تنطي اليوم من اچفوف يمناها
يهاي ام الكرم مرحبـه وحياها
وخل نلطم عليها ومانسيناها
وانشد اللطم وانــوح وياهـا
(( هاي ام العباس // تجازينه ))
•───✧◐◐✧───•
أقره الفاتحه لو طالت المده
وغير ام السبع ماعندي بالشده
بس اذكر اسمها الضايع ترده
ودوم المعتنيها بحيلها تنسده
{ اجينه اليوم لم عباس شچابه }
جبنه امراضنه وحاجاتنه هواايه
وندري ام السبع متقصر بهايــه
حنينه اعله النخاها ودوم وفايه
كل حاجاتنــه نعكدها بالرايــه
(( كل شده اليمها // محلولـه ))
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
https://www.tgoop.com/um_ali313
BY الشاعرة والمله ام علي الإماره
Share with your friend now:
tgoop.com/um_ali313/18455