tgoop.com/um_ali313/18580
Last Update:
قصيدة جنوبية للأمام الهادي ع
{ للهادي نـون }
للهادي نون - وندك عله الهامه
بلسم عاشر اليمه كضه ايامــه
•───✧◐◐✧───•
فزعت شيعتــه يمـه ويونون
بزنجيل اللطم كلهم يلطمون
عالمسموم واويلا يصيحـون
{ صرخه اعله الهادي / علوها }
•───✧◐◐✧───•
ارتجت بالحزن سامره هاليله
واحبابه تنوح اعليه وتبجيلـه
زحوف لمرقده الزوار تمشيله
{ يم بابــه / اتعنو زواره }
•───✧◐◐✧───•
غريب الدار مات اليوم مسموم
كلها اتصيح يالهادي يمظلوم
خبر موتك اجانه خبر ميشوم
{ الميت بالسم / ونو اعليه }
•───✧◐◐✧───•
نوحو لمحنته واتذكروا امصابه
وعالهادي نصب ادموع سچابه
بسامره اعتنتله تنوحله أحبابــه
{ كلهم فزعوله / يشيعونه }
•───✧◐◐✧───•
فزعه تعنو بهوسه وعراضات
يــم نعش الأمام تشيل رايات
تعنوله مشي اهل المروات
{ چادر لمصابه / ينصبونه }
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب القصيده الى اختي خادمة الحسين المله ام رضا الاماره
https://www.tgoop.com/um_ali313
BY الشاعرة والمله ام علي الأماره
Share with your friend now:
tgoop.com/um_ali313/18580