tgoop.com/um_ali313/18591
Last Update:
قصيدة للأمام علي الهادي تقره بعدة اطوار
{ شيلو عمامة الهادي }
شيلو اعمامة الهادي - يخدام
مسموم وغريب اليوم الأيمام
•───✧◐◐✧───•
شيلو اعمامته الضلت على الكاع
وشيعو اجنازته هذا اخر وداع
الف وسفه رحل ياحلو الأطباع
ونعشك شالته يالهادي ازلام
•───✧◐◐✧───•
بنعشه حظرت الساده الميامين
والخدام اجوله بدمعة العين
اليلطم والينوح ويحزن اسنين
الف وسفات سمتك الظلام
•───✧◐◐✧───•
رايات الحزن رفعو بسامــره
وبالتشييع حظرة فاطمه الزهره
ونتها خفيه وتجذب الحسره
والشيعه اعله ابنها رفعو اعلام
•───✧◐◐✧───•
تحظر بالعزه وتنوح هليله
عالمسموم ناحت روحها نحيله
شايل ياعلي والزهره تبچيله
ميت ياوسافه بيد ظلام
•───✧◐◐✧───•
مذخور العزه والحجه وياكم
يالزوار مهديكم تلكاكم
تعازونه اجيتو هله وحياكم
يحرسكم المهدي ها يخدام
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب القصيده الى اختي ام حسنين الأماره
https://www.tgoop.com/um_ali313
BY الشاعرة والمله ام علي الأماره
Share with your friend now:
tgoop.com/um_ali313/18591