Самарқанд вилояти прокурори М.Эшназаров раҳбарлигидаги ишчи гуруҳ томонидан вилоятда қиш мавсумини беталофат ўтказиш, энергия ресурсларини иқтисод қилиш, уларни талон-торож қилиш ҳолатларини олдини олиш борасида амалга оширилаётган ишларни ўрганиш давом этмоқда.

Хусусан, Пастдарғом тумани марказий шифохонаси ва жойлардаги ижтимоий соҳа объектларининг иссиқлик қозонхоналари фаолияти ўрганилиб, юзага келган муаммолар жойида ҳал этилди.

Шунингдек, туман (шаҳар) электр ва табиий газ корхоналарининг диспетчерлик марказлари фаолияти ўрганилиб, авария ҳолатларини ҳамда мурожаатларни тезкорлик билан ҳал этиш, ресурсларни иқтисод қилиш ва талон-торожликларни олдини олиш юзасидан масъулларга тегишли кўрсатмалар берилди.   

Бу борадаги назорат тадбирлари давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook