tgoop.com/viasna96/15017
Last Update:
⚖️Прафсаюзных лідараў Бераснева, Фядыніча і Арэшку будуць судзіць па чатырох артыкулах
У Мінгарсудзе 25 лістапада распачнецца суд над прафсаюзнымі лідарамі — Вячаславам Арэшкам, Генадзем Фядынічам і Васілём Берасневым. Іх вінавацяць па ч. 1 арт. 361-1 КК (Удзел у экстрэмісцкім фарміраванні); ч. 3 арт. 361 КК (Заклікі да дзеянняў, накіраваных на прычыненне шкоды нацыянальнай бяспецы Беларусі); ч. 3 арт. 130 КК (Распальванне сацыяльнай варожасці); ч. 1 арт. 361-1 КК (Удзел у экстрэмісцкім фарміраванні); ч.3 арт.361-1 КК (Стварэнне экстрэмісцкага фарміравання і ўдзел у ім). Справу будзе разглядаць суддзя Анастасія Папко.
Таксама вядома, што адбудуцца суды над яшчэ трыма палітвязнямі па "справе прафсаюзаў": Яніну Малаш будуць судзіць 14 лістапада ў судзе Маскоўскага раёна Мінска; Міхаіла Громава — 3 лістапада ў судзе Першамайскага раёна Мінска; Віталя Чычмарова — 11 лістапада ў судзе Заводскага раёна Мінска.
💌Падтрымайце палітвязняў: СІЗА-1, 220030, г. Мінск, вул. Валадарскага, 2
💻Напісаць анлайн
BY Вясна / Правы чалавека ў Беларусі
Share with your friend now:
tgoop.com/viasna96/15017