tgoop.com/wwaspqtt/32771
Last Update:
ليلة 6 محرم ليلة أنصار الحسين محرم 1446
(وزن العگيلي)
باجر أنصاره يدخلوها
باجر أنصاره يدخلوها
**************************************************
بالحومه باجر أنصاره
عدهم عالگوم اجمل غاره
واحدهم شاهر فقاره
والحومه هناكه يصفوها
باجر أنصاره يدخلوها
**************************************************
عابس جون ويه النصراني
واحدهم للموت امتاني
صاحوا يحسين تلگاني
واجيوش الشر خل يمحوها
باجر أنصاره يدخلوها
**************************************************
من هدوا عالعسكر كلهم
عبره الموت او ماخذ منهم
تاريخ او يذكر ظل عنهم
ذكره او بالطف ايدونوها
باجر أنصاره يدخلوها
**************************************************
انطوا جم منحر بالعاشر
ويه حسين الهم مرقد باجر
يطوف بحضرتهم جم زاير
بدم الامانه يخطوها
باجر أنصاره يدخلوها
**************************************************
عهد او خطوا ابكل غيره
ما خلوا زينب بالحيره
اصحاب احسين اجمل سيره
هاي اتظل ويتذكروها
باجر أنصاره يدخلوها
*************************************************
الخادم المقصر
✍️الشاعر مصطفى النائلي
BY الشاعر الحسيني مصطفى النائلي
Share with your friend now:
tgoop.com/wwaspqtt/32771