tgoop.com/youarenotalonehk_live/26455
Last Update:
#高等法院第七庭
#陳仲衡法官
#20200307爆炸 #審訊 [43/75]
*本案於36/75決定重新釐定新完整審期為100天
D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾56個月；D7 已還押逾32個月
控罪1：串謀對訂明標的的爆炸的禁制
控罪2：串謀導致相當可能會危害生命或財產的爆炸（控罪1的交替控罪）
控罪3：作出一項或一連串傾向並意圖妨礙司法公正的作為
控罪4：企圖製造炸藥
--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官
🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師
========
[08:57] 開庭
📌繼續傳召匿名證人 SO21 監視警員
🔹控方主問
主要描述在2020年3月6日晚上10時，在深水埗巴域街負責監視目標人物（D1~D7），昨日講到22:34見到D4。
22:56 見到D2到達，進入巴域街斜路頂的休憩處，睇唔到入面情況；3月7日 00:01 見到D1 & D7 一齊到達巴域街，兩人貼身而行，進入休憩處，00:07 D7 獨自離開，行去白田街，由其他隊員跟進；01:07 D3 & D6 離開，行去白田街，二人上咗的士，由其他隊員跟進，01:21 從通信機得知，D3 & D6 到咗黃大仙啟德花園。
[09:17] 🔸辯方D1 盤問
2020年3月6日訓示，收到15個人的相片，懷疑製造爆炸品，當時唔知道係接替其他人工作，知道係要做跟蹤。
辯方表示唔爭議控方閉路電視中的男子是D1，00:03 見到兩人出現，指出片段中見到D7 扶住D1 行上斜路，因為D1 飲咗酒，行路不穩，證人不同意，D1 經過時無酒氣，行路有左右擺動，但唔係飲醉酒。
證人稱第一眼見到D1 有攞住魚竿，但閉路電視係見到D7 攞住，可能中途轉咗人，00:07 D7 離開時無攞住魚竿。唔知D1 & D7 在較早時段(23:00~24:00) 係邊，同意係凌晨時候見到兩人。
🔸辯方D4 盤問
2020年3月6日 18:30 與其他人一齊接受訓示，SO20 不在場，知道要跟蹤17人，12男5女，有見過相片，係黑白的證件相，拍攝正面，見到膊頭，每張相用咗3分鐘去記住。
20:00 去到黃大仙，22:27 第一次見到D4，他由白田街行入巴域街，經過證人附近約10米內，上去休憩處，在10米外見到D4 正面，辨認輪廓和特徵確定係D4。
律師稱訓示時無講D4 身高、身形，D4 戴咗口罩，質疑證人的辨認，證人解釋照片見到膞頭，可以估到身形，加上輪廓（雙眼距離、眉毛），確定係D4。
律師質疑證人無接受過認人訓練...，控方提出有法律爭議，要求陪審員、證人、記者和公眾退庭。
公眾再次入庭，審訊已經進行中，唔知剛才有咩爭議。
[10:11] 🔸辯方D5 盤問
證人同意昨日主問時唔記得D5的名字，要睇返口供，唔同意係因為記憶模糊，只係一時忘記；訓示時有17人嘅相和名字，現在已經唔記得相片嘅樣。
當晚10點接到電台通知，D3 & D6 會在深水埗出現，22:20 見到兩人同D5 一齊，22:31 D5 沿巴域街行入巴域街休憩處。
證人同意D5 全程戴住口罩，最好嘅方法係除口罩確認，但無可能，睇唔到面部特徵，靠睇輪廓、眼、眉、耳和膊頭；行動之後才知道D5 被拘捕，唔記得咗係幾時，警方無安排證人去辨認D5，無睇過被捕後拍攝的照片。證人口供中，描述D5 帶有一個紅白色紙袋、一個黑色電腦袋、一個黑色斜孭袋。
[10:45]🔸辯方D7 盤問
睇兩張截圖，辯方和證人均同意圖片上的時間為2020/3/7 00:03 與實時相約；主問時指00:01 時見到D1 & D7 出現，距離證人約20米，用咗約1分鐘時間行到圖片中盲人輔助膠粒位置，該盲人輔助膠粒是位於巴域街頭與休憩處的中間位。
律師向證人指出：
- D1 & D7 行到休憩處入口的樓梯級，D7 無入去（唔同意）
- D1 畀咗釣魚的漁獲給D7（睇唔到）
- 在同一位置，D1 畀咗魚竿給D7（睇唔到）
- 在同一位置，D7 吻咗D1 一吓，跟住走咗（睇唔到）
- D7 走時，右手揸住載有漁獲的膠袋（當時無留意）
🔹控方覆問，表示要攞指示，申請小休
[11:00~12:03]
同樣，公眾再次入庭時，覆問已經進行中，只見主控和法官手待兩張A4紙黑白相，放大咗的一男一女大頭相，證人不同意相中人不是D4。
主控向證人澄清，兩張相係放大咗，唔係訓示時的相片大小，問證人兩張相中的一男一女的樣貌，是否與訓示的相片相同，證人同意。
主控叫證人澄清，當日做跟蹤工作，係有訓練認人。
----------
[12:23]📌傳召匿名證人 SO20 監視警員
🔹控方主問
確認做跟蹤工作，係有接受認人訓練。2020年3月6日要監視17個人，但唔記人名，要返睇口供，之後在紙上寫出17個名字，訓示畀咗各人的相片，當晚行動期間可以保留相片，之後交回上司。
主控表示案中D1, D2, D3, D6 & D7 不爭議身份，只關注D4 & D5。
2020年3月6日晚上10時，到達深水埗白田街遊樂場，負責監視17名可疑人物，當時主要留意D5，約22:10 見到佢在大埔道出現，過馬路去白田街，巴域街上斜路，行向美荷樓，過程約5～6分鐘，證人與D5作相反方向過馬路，期間見到正面，最近距離約2米，觀察約1分鐘，肯定佢係D5 之後，無再正面望佢，她帶有一個黑色斜孭袋，一個黑色電腦袋，一個紅白色紙袋，一個黑白色紙袋，內有紙鶴，係在過斑馬線時見到。
22:16 D5 轉咗入巴域街的橫巷，證人無跟入去，22:19 她出返嚟與D3 & D6 走埋一齊上山，22:21 去到美荷樓出面D5 獨自行返落白田街，去咗美葵樓地下停車場，證人無跟入去，幾分鐘後D5 出返嚟，去巴域街行上山，入去休憩處。
22:56 見到D2 行上巴域街休憩處；3月7日 00:01時，見到D1 & D7 行上巴域街休憩處；00:07 D7 獨自離開，行向白田街，之後無跟進；01:07 D3&D6離開，行向白田街，由其他同事跟進；01:31 D1, D2, D5 和一男一女落山，向白田街行，初期唔肯定該男女係唔係17個人之中的人，之後聽到電台通知，話D4 有出現過，男子的衣着與通知嘅一樣，再記憶返張相，就確認係D4。
[13:48] 休庭，主問未完，案件押後至下星期一14:30～16:30繼審，陳官稱因有一名陪審員在上午要處理家中要事。
BY 法庭文字直播台
Share with your friend now:
tgoop.com/youarenotalonehk_live/26455