tgoop.com/youarenotalonehk_live/26638
Last Update:
#高等法院第七庭
#陳仲衡法官
#20200307爆炸 #審訊 [78 / 75+25]
D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾58個月；D7 已還押逾34個月
控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥
--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官
🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師
========
[09:05] 開庭
📍傳召 PW50 警員 13556 周國豪(音)，今日只講檢取電話，日後再傳召講其他證供
🔹控方主問
現駐守國安處，2020年3月7日駐守O記C2-1隊，當日23:39 到達宏創方503室，3月8日00:35 檢取咗一部銀色iPhone電話SN323，一部銀色Samsung電話SN324，一部hp 電腦SN325，隨即交俾網罪科警員7280，佢在Samsung 電話的TG 揾到對話，00:35~02:00 期間，證人拍攝咗兩次有關電話的TG 內容，連同拍攝室內環境，共拍攝咗113張相。
播出TG相片，機主的TG 名稱係“想和你通渠"，相片展示機主與他人聯絡的目錄，特別顯示與“叉雞飯阿陳"、“五飛"和“deleted account"對話，內容有人報上D1 的姓名，有相信係機主和女友的沙灘相，還有「咁你直接入去粉嶺等叉雞飯」，「爆咗未」，「聽唔到」，「出旺角」等訊息（目的係配合控方案情），影完相之後，兩部電話一直由證人保管。
🔹辯方D1 盤問
律師質疑證人在2020年3月11日的證人口供，無庭上證供的相關紀錄，證人表示有簡單紀錄，律師讀出書面口供：「00:20 在單位調查和拍攝...，00:35 交電話畀7280作調查及搜證工作...，02:00 7280 搜查完畢...，02:05 7280 於現場將電話交回證人看管」，律師指00:20 未揾到電話，點樣進行拍攝；控方反對，表示在同意事實承認咗，相片有time stamp，要求陪審團退庭。律師解釋唔係挑戰有無影相，只係質疑無相關記錄，陳官🗣️盤問係要問與案有關，唔係擦存在感！
證人稱SN324 Samsung 電話係開住，唔使入密碼，SN323 iPhone 要密碼，當時開唔到，之後有交畀網罪科擷取資料，證人唔知道做唔到。
在進入503室後，警員拘捕咗在場的D3，證人稱係在D3 見證下搜查和檢取證物，當時唔知邊個係租客，在單位揾到信件和機票。
--------
📍傳召 PW84 警員 7280 邱達豪(音)
🔹控方主問
2020年3月至今都係駐守網罪科，3月7日有到宏創方 503室，13556交兩部電話俾證人作初級檢驗，SN324 Samsung 電話係開住，唔使入密碼，SN323 iPhone 要密碼，知道有搜查令，開咗Samsung 電話嘅TG，睇到對話。
🔸辯方D1 盤問
在00:35 開咗Samsung 電話，首先轉咗飛行模式，睇咗電話嘅型號、設定、IMEI、時間，再睇通訊軟件，有WhatsApp和Telegram，開TG唔使密碼；唔知道SN323 iPhone 最終係開唔到。
2020年6月29日的供辭「02:00 經初步檢驗完畢，暫時無發現數碼證據」，意思係因為無發現表面或實質證據，只係見到Telegram 和WhatsApp 有對話，當時無調查是否與案件有關，只係睇咗3～4分鐘，跟住就交返俾13556，講咗Telegram 和WhatsApp 有對話紀錄，叫佢自己睇。
--------
📍再次傳召 網絡安全及罪案調查科警員 4924 陳道(音)
🔸辯方D1 盤問
針對金色iPhone SN46 和黑色iPhone SN49，指出在無密碼的情況下，用Cellebrite 係唔能夠擷取資料；證人唔同意，表示Cellebrite 會因應不同型號和版本會作出嘗試，但證人無試過，所以唔知到呢兩部iPhone 6 和iPhone 8 係開唔到。
案中電話SN323 唔係由證人做檢驗，唔知情況。
[10:32~10:57] 休庭
--------
📍傳召 警署警員 林偉亮(音)
🔹控方主問
📎關鍵的支援角色
現駐守國安處，2020年3月7日駐守O記C2-3隊，因為該隊無督察級的案件主管，證人便是該隊最高級人員，隊員有警長4081，警員13024，14343 和21077，3月7日的行動，指派21077做支援，紀錄行動時序和去向，隊員工作唔需要向21077交代。
📎究竟係一號/二號房？
拘捕咗D1，做咗5次會面記錄，證人當時係知道，全程在監控室睇住，無使用武力或者威迫D1。3月8日 02:46～03:07 D1 見律師，係在青衣警署報案室草圖上的一號房，證人稱他的紀錄係二號房，房間中一道通往公眾地方的門係有長凳封住，出唔到去，D1 見律師時，證人在房外企近門口位置。
📎要求睇醫生 但又唔去
主控展示值日官的detention note，顯示03:08 D1 要求睇醫生，03:20 D1 簽名表示唔去。證人稱D1 在第一次見完律師後，透過黃律師話要睇醫生，而黃律師要向證人諮詢，證人與4081 就和黃律師及其助手去咗報案室的公眾地方交談，D1 則留在一號房，03:20 14343經報案室人員通知證人，D1 唔去睇醫生，隨即與黃律師反回一號房了解情況，問D1 係咪唔使醫療服務，D1 回答唔需要，再問稍後做錄影會面是否需要律師，D1 回答唔使，黃律師即要求再次見D1，02:46～03:07 D1 在一號房見律師，之後律師離開咗，開始做錄影會面，05:44 做完，06:03～06:12 D1 第三次見律師，見完之後律師無投訴。
📎點啊 阿Sir？
控方播方第二次錄影會面最尾嗰段，D1 在警員講話錄影會面完畢之後，講咗一句「點啊 阿Sir」，證人表示之後無特別事發生。
做完五次錄影會面之後，將D1 交由值日官看管，本案的案件主管通知，20:58～21:47 D1 第四次見律師，見完律師就去咗瑪嘉烈醫院。
錄影會面中的問題撮要、相片和截圖，係由案件主管預備，有交俾證人，證人在做第一次錄影會面之前交俾13024。
📎有無調查報告
Pol 155 係用嚟記低案件調查過程：時序、到過邊度、執行過咩任務、接觸過咩人，一般係由調查員寫，本案嘅調查報告係由主管隊伍C2-2隊寫，證人的小隊無寫過調查報告，如果需要資料，會根據記事冊和口供而提供。
[11:39]🔸辯方D1 盤問
📎無調查報告
喺證人決定無需要做調查報告，已經在記事冊記錄咗。3月8日收工時，有夾過時間，無叫21077寫調查報告。調查報告嘅格式鋪排幾好，隊員會用嚟當草稿紙，相信21077會用作筆記。
記事冊係事後補錄，四年之後在2024年2月15日寫口供，資料係基於記事冊。
律師指記事冊內容簡單，「00:35 Arrived at TY police station. 00:36 with teammate further enquiry the case at TY police station」，下一項紀錄係01:50，中間無紀錄，質疑期間打D1。
證人稱期間在報案室內處理案件跟進程序，指派隊員調查事項，概括記錄咗。好多細節要監察，例如發羈留人士通知書，叫14343處理證物，向指揮中心報告拘捕過程，和解答指揮中心的查詢，估計指揮中心由高級督察黃百琪做主管，但唔係向佢直接匯報。自己無記錄報告，相信指揮中心有記錄，有報告搵到三部電話，中心有俾指示，問知唔知電話內容，回答有兩部要密碼，如果要搜查內容，要得到D1 同意，要稍後處理。
證人知道無電話的搜查令，在青衣站S1066室已經知道要D1 同意，但當時未知要密碼，當時重點唔係在電話。
去到青衣警署，證人不在房內，無親眼見到14343打開防訊號干擾袋，同意要打開袋才可以接觸電話，因為個袋唔係透明，當時唔知2082喺邊度，相信係同14343一齊，4081同證人一齊，唔知21077係咩位置。
證人、4081、和13024帶D1 見值日官，2082 無去，唔記得邊個叫去二號房。
律師指報案室都有被羈留人士通知書，被告好易見到，指出去到二號房，不急於處理通知書，而係要被告交出密碼（唔同意），指出在二號房內證人坐在枱嘅一邊，D1 坐另一邊，13024和4081一左一右企在D1身邊，證人講「我唔同你浪費時間，快啲招晒佢，交手機密碼出嚟」（唔同意），D1 唔肯講，「得，唔使講，打」，警員將D1 笠住頭套，打佢心口，D1 交出密碼，14343出去check，發覺唔係，繼續再打（唔同意），4081 踩D1 下體（唔同意），指出剛才講大話（無咁發生）。
證人稱在3月7日19:00，出發去旺角候命之前，在警察總部收到503室嘅截圖、相、和問題，唔同意在候命時有大把時間睇，因為全程在車內，環境唔適合攞出嚟睇，任務可能會改，唔需要急需睇。
00:35 返到青衣警署，向指揮中心報告拉咗D1，檢獲咩證物，有電話和假髮，無爆炸品，警誡之下講咗咩，報告係短時間，但會接好多電話解釋，律師指出唔可能在五年之後記得接咗四五個電話。
[12:32~13:04] 休庭
BY 法庭文字直播台
Share with your friend now:
tgoop.com/youarenotalonehk_live/26638