tgoop.com/zianon_pazniak/1465
Last Update:
БЕРАЖЫ БОГ АМЭРЫКУ!
Толькі што праслухаў інаўгурацыйны выступ прэзыдэнта Дональда Трампа. Гэта самая выдатная палітычная прамова, якую мне прыходзілася чуць.
У час першай яго кадэнцыі я казаў (зафіксавана), што Трамп (побач з Рэйганам) -- гэта лепшы прэзыдэнт Амэрыкі за сто гадоў. Не сумняваюся, што так ёсьць і так будзе. Бліскучы дэбют, які пачынае "рэвалюцыю здаровага сэнсу", пакладзе канец нэарасізму, справакаванаму безадказнымі палітыкамі, спыніць распаўсюд фальшывых расавых "тэорый" на глебе нянавісьці, верне адукацыю да нармальнасьці, спыніць сэксуальнае разбэшчваньне дзяцей ў амэрыканскіх школах і збочаную паранойю пра шматполавае чалавецтва, дзе ёсьць толькі створаныя Богам мужчына і жанчына.
Шмат разумнага і здаровага сказаў Прэзыдэнт Трамп у сваім простым выступе. Беражы Бог Амэрыку! Можа, адтуль зноў павее вецер здаровай свабоды і нармальнасьці для людзей і дойдзе, даплыве да нашай дарагой Беларусі.
20-01-2025
Зянон Пазьняк
BY Зянон Пазьняк
Share with your friend now:
tgoop.com/zianon_pazniak/1465